नेयमारका लागि जस्तोसुकै मुल्य तिर्न रियल तयार !

काठमाडौँ, ३ भदौ । रियल मड्रिड यतिखेर खेलाडी किन्ने दौडमा धेरै नै पछि परेको फुटबल विश्लेषकहरु बताउँछन् ।तर, एक मिडिया रिपोर्टका अनुसार रियलले नयाँ विश्व किर्तिमानी रकमका साथ पिएसजीका स्टार खेलाडी नेयमारलाई अनुबन्ध गर्न चाहेको छ । रियलले उनलाई २७० मिलियन पाउण्ड तिर्न तयार रहेको बताइएको छ ।

विश्वकै महँगा खेलाडी नेयमार पुन अर्को मुल्य सुचीका साथ विश्वको सर्वाधिक महँगा खेलाडी बन्ने छन् । गत बर्ष बार्सिलोनाबाट पिएसजी जाँदा पिएसजीले किर्तिमानी मुल्य १९८ मिलियन पाउण्ड तिरेको थियो ।युरोपियन सुपर कपमा रियल एट्लेटिको मड्रिडसँग पराजित भएपछि खेलाडी अनुबन्ध गर्न गम्भिर रहेको हो । रोनाल्डो ११२ मिलियन युभेन्ट्स पुगेपछि रियल स्टार खेलाडीहरु अनुबन्ध गर्ने प्रयासमा रहेको थियो तर हालसम्म सफल हुन सकेको छैन ।