बलत्कार पश्चात हत्या गरीएको निर्मलाको परीवारलाई पश्चिमेली समाज मकाउद्वारा आर्थिक सहयोग।

कर्ण अधिकारी-
मकाउ – भीमदत्त नगरपालिका–२ उल्टाखामकी १३ वर्षीया निर्मला पन्तको बलत्कार पश्चात हत्या गरीएको खबरले सारा नेपाली जनता मर्माहित भएका छन।रहर लाग्दो कलिलो उमेरमा यौन पिपासुहरूले उनको ईहलिला नै समाप्त गरी दिए।यस घटना प्रति खेद प्रकट गर्दै बलत्कार गर्नेलाई चाडै नै कानुनी दायरामा ल्याएर सरकारले कडा भन्दा कडा सजाय दिलाई पीडित परीवार र मृत आत्मालाई न्याय दियोस भन्दै पश्चिमेली समाज मकाउले मृत आत्माको चीर शान्तिको कामना गर्दै मृतकका परीवारलाई नेपाली रूपैया २२ हजार सहयोग गरेको छ ।

उक्त रकम पश्चिमेली समाज मकाउका अध्यक्ष पदम सिंह पन्तले आफ्ना कार्य समितिका सदस्यहरूबाट संकलन गरी बेदकोट नगर प्रमुख अशोक कुमार चन्दको हातबाट उहाँको परीवारलाई हस्तान्तरण गरीएको छ।पश्चिमेली समाज मकाउले बिगतका दिनहरू देखि नै सामाजिक कार्यमा यसरी नै सहयोग र सदभाव राख्दै आएको छ।आउँदा दिनहरूमा पनि यसरी नै सहयोग गर्ने कुराको प्रतिबद्धता जाहेर गर्छन समाजका अध्यक्ष पदम पन्त।पन्त महेन्द्र नगर निवासी हुन।