वैदेशिक रोजगारको क्षेत्र अब ब्यवस्थित हुन्छ- मन्त्री बिना मगर

 युएई -खानेपानी तथा सरसफाइ मन्त्री बिना पुन मगरले वैदेशिक रोजगार लाई ब्यवस्थित गर्न सरकार लागिरहेको बताएकि छन् । गैर आवसिय नेपाली संघ ( एनआरएनए ) मध्यपूर्वको छैठौं क्षेत्रीय भेलालाई युएईको दुबईमा प्रमुख अतिथिको रूपमा सम्बोधन गर्दै उनले उक्त कुरा बताएकि हुन् ।

अहिलेसम्म सरकार संग बिदेसमा रोजगारिको लागि गएका कामदारहरुको  आधिकारिक तथ्यांक नभएकोले  वैदेशिक रोजगारमा धेरै समस्या आएको बताउंदै उनले अब सरकार त्यसलाई ब्यवस्थित गर्न लागेको बताईन । उनले भनिन् “सरकारले अब  वैदेशिक रोजगार सम्बन्धि सवै प्रक्रियाहरु अनलाइन प्रणाली मार्फत गर्ने तयारी भैरहेको छ” । अनलाइन प्रणाली लागू भएमा वैदेशिक रोजगारका क्षेत्रमा देखियका समस्याहरु न्यूनीकरण गर्न सहज हुने उनको भनाई छ ।
मन्त्री मगरले भोलि युएईका हस्पिटलहरुमा  उपचाररत नेपालीहरुलाई भेट्ने कार्यक्रम छ ।