म्यानचेस्टर सिटी बराबरीमा रोकिदा लिभरपुल शिर्षस्थानमा उक्लियो

काठमाडौँ, १० भदौ । गएराति भएको प्रिमियर लिगमा उल्भरह्याम्टनले म्यानचेस्टर सिटीलाई एकएक गोलको बराबरीमा रोक्न सफल भएको छ ।
पहिलो हाफदेखि नै आक्रामक खेल खेलेको सिटीलाई उल्भरह्याम्टनले पनि दबाबमा राख्न खोजेको थियो । सिटीको अवसरहरुलाई बिफल पारेको उल्भरह्यामटनले दोस्रो हाफमा गोल गर्दै अग्रता बनाएको थियो ।

उसका लागि खेलको ५७ औ मिनेटमा उल्ली बोइले गोल गरेका थिए । तर, खेलको ६९ मिनेटमा सिटीका लागि लार्पोटेले बराबरी गोल फर्काए । यो बराबरीसँगै लिभरपुललाई फाइदा पुगेको छ ।गए राति भएको अर्को खेलमा लिभरपुलले ब्राइटन एण्ड होभ एल्भिएनलाई १-० गोलले पराजित गर्यो ।

उसका लागि एकमात्र गोल मोहमम्द सलाहले गोल गरे । यो जितसँगै लिभरपुलले ९ अंकका साथ शिर्षस्थानमा रहेको छ भने सिटी ७ अंकका साथ दोस्रो स्थानमा रहेको छ ।