‘रियलमा नै करिअर अन्त्य गर्न चाहन्छु’

काठमाडौँ, २१ भदौ । स्टार खेलाडी मार्सेलोले रियल मड्रिडमै आफ्नो करिअर अन्त्य गर्ने बताएका छन् । पछिल्लो समय उनले पनि रियल छोड्ने हल्ला व्यापक चलिरहेको थियो । तर, उनले यसबारे भने आफ्नो प्रतिक्रिया दिएका थिएनन् । अन्ततः उनले रियलमा नै अन्त्यसम्म रहने प्रतिक्रिया दिएका छन् ।

सन् २००७ मा रियलमा आवद्ध भएका उनले लगातार तीनवर्षसम्म रियललाई च्याम्पियन्स लिगको उपाधि जिताउन महत्वपुर्ण भुमिका खेलेका थिए । उनले भनेका छन्, ‘म रियलमा खुसी छु । यो विश्वकै उत्कृष्ट क्लब हो । आफ्नो करिअरको अन्त्य यसै क्लबमा गर्ने मेरो चाहना रहेको छ ।’ उनले थप्दै भने, ‘रियललाई उपाधि जिताउन म जस्तोसुकै योगदान दिने कोशिस गरिरहेको छु । आउने दिनमा पनि रहनेछ ।’