टिप्पर आतंक अझै नियन्त्रण भएन, पुर्व पश्चिम राजमार्गमा टिप्परको ठक्करबाट दुई जनाको मृत्यु

बुधबार बिहान १० बजे पूर्वपश्चिम राजमार्गको धनुषाधाम नगरपालिका– ९ धारापानीमा पश्चिमबाट पूर्व जाँदै गरेको स५प ६९४६ नम्बरको मोटरसाइकललाई सोही दिशाबाट जाँदै गरेको ना१प ६१८९ नम्बरको टिपरले ठक्कर दिँदा मोटरसाइकलमा सवार दुई जनाको घटनास्थलमै मृत्यु भएको छ। घटनास्थलमै मृत्यु हुनेमा त्रीयुगा नगरपालिका ४ असारी, राई टोल उदयपुर निवासी २५ बर्षिय बिकास राई र २३ बर्षिय सचिन राई रहेको खुलेको छ। उनिहरु एकै घरमा दुई दाजुभाइ हुन।

घटनालाइ उद्ढृढ गर्दै ढल्केबारस्थित इलाका प्रहरी कार्यालयका प्रहरी हवल्दार केशबहादुर रावतले टिप्परले मोटरसाइकललाइ ओभरटेक गर्दै गर्दा सो घटना घटि दुई जनाको मृत्यु भएको बताए।
इलाका प्रहरी कार्यलय ढल्केबरले टिपर चालक र टिपरलाई नियन्त्रणमा लिइ आवश्यक कानुनी कारबाही अगाडि बढाएको प्रहरिले जनाएको छ।