सर्वोच्चको अपमान ! मानवअधिकार आयोगको खिल्ली उड्यो ! प्रकाण्ड फेरी प्रकाउ

काठमाडौं । गएको साता अवैध चन्दा असुली गरेको अभियोगमा प्रकाउ परेका विप्लव नेतृत्वको नेकपाका प्रवक्ता खड्ग बहादुर विश्वकर्मा प्रकाण्ड सर्वोच्च अदालत परिसर बाटै फेरि प्रकाउ परेका छन् ।प्रहरीले उनीमाथि ७ करोड अवैध चन्दा सङ्कलन गरेको आरोप लगाउदै गएको साता काठमाडौँ बाट नियन्त्रणमा लिएको थियो । विना कुनै आधार र प्रमाण हिरासतमा राखेर चरम शारीरिक र मानसिक यातना दिएको भन्दै छोरा नरेन्द्र विकले सर्वोच्चमा वन्दी प्रत्यक्षीकरण रिट दायर गरेका थिए ।

उक्त रिट माथिको सुनवाई गर्दै न्यायाधीशद्वय चोलेन्द्र शमशेर राणा र तेजबहादुर केसीको इजलासले प्रकाण्ड माथि लगाइएको आरोप पुष्टी हुन नसकेपछि रिहा गर्न आदेश दियो ।तर, प्रहरीले फेरि उनलाई सर्वोच्च प्राङ्गणबाटै प्रकाउ गरेको छ । मानव अधिकार आयोगका सचिव सुदीप पाठकको टोली प्रकाण्ड सँग बयान लिन आयोग कार्यालय जाने तरखरमा थियो तर आयोगको खिल्ली उडाउँदै प्रहरीले अन्तत आयोगको गाडीबाटै खोसेर प्रकाण्डलाई फेरि हिरासतमा लिएको हो ।

शुक्रबार सर्वोच्च अदालतले रिहाई गरेपछि मानव अधिकारकर्मीको गाडिमा बाहिर निस्कन लागेको बेला अदालत परिसरबाटै प्रकाण्डलाई पक्राउ गरिएको हो । मानव अधिकार कर्मीको टोली सहित गाडिमा बसेका प्रकाण्डलाई प्रहरीले उनी चढेको गाडि घेरा हालेर पक्राउ गरेको हो । पक्राउपछि उनलाई काभ्रे लाने तयारी गरिएको बुझिएको छ । मानव अधिकार आयोगका सचिव पाठकले यो घटना नेपालको इतिहासमा दुर्लभ भएको बताएका छन् । प्रहरीले अर्को ठाँउमा मुद्दा परेकाले गिरफ्तार गरेको जनाएको छ । नेकपाकै नेताहरूले यो घटनाले सर्वोच्चको अपमान तथा मानवअधिकार आयोगको खिल्ली उडाएको बताएका छन् । गृहमन्त्री रामबहादुर थापाको ठाडो निर्देशनमा प्रहरीले प्रकाण्डलाई फेरी प्रकाउ गरेको बताइएको छ । विप्लव नेकपा तर्फ नियन्त्रणउन्मुख रहेको सरकार सँग नझुक्ने विप्लवको चेतवानी कायमै छ ।