प्रधानमन्त्री ओली र प्रचण्ड मन्त्री हेरफेरका विषयमा अान्तरिक छलफलमा

काठमाडाैं, २१ भदाै ।   सरकारको काम कारवाही प्रभावकारी हुन नसकेको भन्दै आलोचना हुन थालेपछि प्रधानमन्त्री केपी शर्मा ओलीले आफ्नै पार्टीका शिर्ष नेताहरुसंँग छलफल थालेका  छन्  सरकारलाई प्रभावकारी बनाउने बिषयमा प्रधानमन्त्री तथा पार्टी अध्यक्ष ओली र प्रचण्डबीच छलफल भएको छ । गृहमन्त्री रामबहादुर थापासहित आधा दर्जन मन्त्रीका विषयमा विभिन्न टिप्पणी भएको र प्रभावकारी काम गर्न नसकेको भन्दै पार्टीभित्र चर्चा भएपछि मन्त्री हेरफेर गर्ने बिषयमा पनि दुई नेताबीच छलफल भएको छ ।

प्रधानमन्त्री ओलीले यसअघि पनि मन्त्रीहरुलाई बारम्बार प्रभावकारी रुपमा काम गर्न निर्देशन दिइसकेका  छन् । प्रधानमन्त्रीका प्रेस सल्लाहकार कुन्दन अर्यालले प्रधानमन्त्री ओली र नेकपाका अध्यक्ष प्रचण्डबीच यस बिषयमा छलफल भएपनि निर्णय भने भइनसकेको जानकारी दिए । दुई अध्यक्षबीच सरकारको काम कारवाहीसँगै सत्यनिरुपण तथा मेलमिलाप आयोग र पार्टीको एकताका थप कामको विषयमा पनि छलफल भएको सचिवालयले जनाएको छ ।