धनकुटाका राईको जापानमा सुतेकै अवस्थामा निधन

टोकियो ।

जापानमा पर्यटक भिषामा आएका एक नेपाली युवाको सुतेकै अवस्थामा असामायिक निधन भएको छ ।

धनकुटा खोकु छिन्ताङ निवासी २३ वर्षीय युवराज राईको सुतेकै अवस्थामा निधन भएको हो ।

जापानको ईबाराकी प्रान्तस्थित ईनाशिकीमा रहेको कोठामा खाना खाएर सुतेका राईको आईतबार निधन भएको हो । सामान्य अवस्थामा सुतेका राईको मृत्युको कारण थाहा हुनसकेको छैन ।

प्राप्त जानकारी अनुसार बेलुका खाना खाएर साथीहरूसंग फोनमा कुरा गरेर सुतेका राई विहान नउठेपछि उठाउन खोज्दा अचेत अवस्थामा भेटिएका थिए । प्रहरीलाई जानकारी गराएर अस्पताल लैजाँदा उनको मृत्यु भईसकेको चिकित्सकहरुले बताएका थिए ।जापान संचार बाट