साउदी अरेवीयाको जेद्दामा सोनाम ल्होसार मनाइने ।

जेद्धाबाट सहयोगी ध्रुव रिजालका साथ तेज थापा,

साउदी अरब – नेपाल तामाङ घेदुङ प्रवास शाखा, राष्ट्रिय समन्वय समिति, जेद्दा साउदी अरेवीयाले सोनाम ल्होसार २८५५ ड्वा फाग ल्हो (सुँगुर वर्ग) को उपलक्षमा सांस्कृतिक कार्यक्रम गर्ने भएको छ । यहि आउदो १ फेब्रुअरी २०१९ शुक्रबारका दिन बिशेश कार्यक्रम सहित सोनाम ल्होसार मनाउने तयारी गरेको हो ।

सोनाम ल्होसारलाइ तामाङ समुदायमा बिषेश सास्कृतिक, धार्मिक महत्व राख्नुको साथै उक्त दिन लाइ नया वर्षको रुपमा पनि मनाउने गर्दछन् । तामाङ घेदुङ, जेद्दा साउदी अरेवीयाले आफ्नो धार्मिक परम्परा, धर्म सस्कृती, रितिरिवाजलाइ जगेर्ना गर्ने हेतुले हरेक वर्ष यस किसिमको कार्यक्रमको आयोजना गर्ने गरेको छ ।

जेद्दा सरफिया स्थित इम्पाला गार्डेन रेस्टुरेन्टमा मध्यान १२ बजे देखि सुरु गरिने कार्यक्रममा स्थानीय कलाकार भाइबहिनीहरु द्वारा तामाङ सेलो लगाएत विभिन्न नेपाली मौलिकता झल्कने सांगितिक एवम् नृत्यहरु प्रस्तुत गरिने छ ।

संस्थाले  नेपाली महावाणीज्य दुतावास जेद्दा लगाएत त्यस क्षेत्रका विभिन्न संघ संस्था, बुद्धिजीवी, समाजसेवी, पत्रकारहरु लाइ उपस्थितको लागि निमन्त्रणा पठाउनुको साथै सम्पूर्ण नेपाली दाजुभाइ दिदीबहिनीहरु लाइ उपस्थित हुनको निम्ति प्रचार-प्रसार गरेको संस्थाका अध्यक्ष दिल बहादुर तामाङ र सल्लाकार सुप्रीम गोलेले जानकारी दिएका छन्  ।