प्यूठानमा पहीलो पटक भुकम्प मापन यन्त्र जडान

मनोज थापा –
प्यूठान – प्यूठानमा पहीलो पटक भुकम्प मापन यन्त्र जडान गरीयको छ । प्यूठान जिल्लाको एरावती ५ सराङवेसी स्थित श्री महेन्द्र माध्यामिक बिद्यालयमा प्यूठानमा पहीलो चोटी भुकम्प मापन यन्त्र “सिस्मोमिटर” जडान गरीयको हो ।

स्विट्जरल्याण्डमा रहेको युनिभर्सिटी अफ लोजानको सहयोगमा नेपालका विभिन्न २३ विद्यालयमा सो यन्त्र जडान गरिने  अभियानअन्तर्गत उक्त यन्त्र जडान गरिएको हो । अहिले सम्म १६ वटा विद्यालयमा जडान गरीसकीएको छ । सो यन्त्र जडान भएपछि नेपालदेखि विदेशसम्मका एक म्याग्निच्युडभन्दा माथिका सबै भूकम्प मापन गरी त्यसको विवरण सुरक्षित राखिनेछ । भुकम्प गएको वा नगएको थाहा पाईने छ ।

स्विट्जरल्याण्डको लुजान विश्वविद्यालयमा नेपालमा भूकम्पको जोखिम विषयमा विद्यावारिधि गरिरहेका नेपाली वैज्ञानिक शिव सुवेदीले भूकम्प कसरी जान्छ र भूकम्पको जोखिम बाट बच्ने उपाए बारे बताएका थिए ।

उक्त बिद्यालयका शिक्षक कृष्ण बिक्रम शाह र खेद बहादुर रोकाले इन्टरनेस्नल वर्क सप पोखरा बाट यसै बिषयमा तालिम लिएका थिए । यन्त्र जडानका अवसरमा शिक्षक कृष्ण बिक्रम शाहले विद्यार्थीलाई सो यन्त्रका साथै भूकम्पीय जोखिमबारे शिक्षा दिइने बताए । कार्यक्रममा बिद्यालयका शिक्षक , बिद्यार्थी , गाउँका भद्रभलादमी हरुको उपस्थित रहेको थियो ।