Thursday 28th March 2024

यी शासकहरुले श्रीपेच फाले पनि सत्ता फाले पनि |

4 years अगाडी

गजल-
यी शासकहरुले श्रीपेच फाले पनि सत्ता फाले पनि |
देशले मुक्ति पाउदैन छोरा, भन्थे मेरा बाले पनि |

उसले पत्थर उठाएकै निहुँ मा जेल जानु परेको हो
कानुन लाग्दैन बलीयालाई बन्दुक उचाले पनि |

श्रीमती पाए पछि उसले आमा बिर्सियो,भोक बिर्सियो
पाल्न त अैँचो-पैँचो गरेरै पालेकी हुन आमाले पनि |

जाबो एउटा घर सम्म चलाउन सक्दैनौ यार तिमी !
देश चलाईरहेका छन यहाँ खेतालाले पनि |

नदीले बगरमा छोडेपछि म उसैको बन्न पाऊँ
जसले मलाई मार्नकै लागि नदीमा खसाले पनि |

अमर खडका
हाल: कुबेत

          December 15, 2019 5:26 pm | साहित्य


प्रतिकृयाहरू :

समाचारहरु:

भर्खरै प्रकाशित


Loading...