Tuesday 25th January 2022

तालिबान सत्तामा फर्किएपछि सयभन्दा धेरै पूर्वसैनिक मारिएका ह्युमन राइट्स वाचको दाबी

2 months अगाडी

काठमाण्डाै – अफगानिस्तानमा तालिबान समूह सत्तामा फर्किएपछि अफगान सुरक्षा बलका एक सयभन्दा धेरै पूर्वसदस्यको हत्या गरेको ह्युमन राइट्स वाच (एचआरडब्ल्यू) ले दाबी गरेको छ ।

एचआरडब्ल्यूले सार्वजनिक गरेको प्रतिवेदनमा तालिबानका स्थानीय कमान्डरहरूले अहिले पनि पूर्वसैनिक वा प्रहरीहरूलाई निसाना बनाइरहेका उल्लेख छ । तालिबानका प्रवक्ताले बदलाको भावनाले हत्या गरिएको आरोपलाई अस्वीकार गरेका छन् तर तालिबानको नेतृत्वले नै आफ्ना लडाकुहरूलाई हत्याका लागि उक्साइरहेका एचआरडब्ल्यूले आरोप लगाएको छ ।

अमेरिकी सेना फर्किएपछि गएको अगस्ट महिनामा अफगानिस्तानको सत्ता कब्जा गरेको तालिबानले त्यस बेलै बदलाको भावना नराख्ने बताएको थियो । तर तालिबानले सुरक्षा बलका पूर्वसदस्य र नागरिक समाजका व्यक्तिको हत्या गर्ने क्रम बढिरहेको प्रतिवेदनमा उल्लेख छ ।

तालिबान विश्वव्यापी मान्यताका लागि प्रयास गरिरहेको छ तर देशभित्र मानव अधिकारको अवस्था नाजुक बनेको ह्युमन राइट्स वाचको प्रतिवेदनमा उल्लेख छ । अफगानिस्तानमा यसअघि उपलब्ध भइरहेको अन्तर्राष्ट्रिय राहत सामग्री र आर्थिक सहयोग रोकिएका कारण आधारभूत वस्तुकाे सङ्कट पनि बढ्दै गएको छ । साभार उज्यालो

          December 2, 2021 2:45 am | रोचक,समाचार


प्रतिकृयाहरू :

समाचारहरु:

भर्खरै प्रकाशित


Loading...