प्रेममा दरार’ आएपछी कुवेतमा एक महिलाको हत्या

कुवेतमा एक महिलाको हत्या भएको छ । शुक्रवार बिहान कुवेतको मंगाफस्थित एक आवासिय भवनमा नेपाली महिलाको हत्या भएको हो । प्रारम्भिक जानकारी अनुशार ५ महिनाअघि कुवेत आएका भोजपुर स्थायी घर भएको सुनिल राईले अर्को नेपाली महिला रोजिना राईको हत्या गरेका हुन् । सुनिलले धारिलो चक्कु र पेचकस प्रहार गरि रोजिनाको हत्या गरेको बुझिएको छ । हत्यामा संग्लन अन्य दुई साथी सहित निजलाई कुवेत प्रहरीले गिरफ्तार गरिसकेको छ ।

यस्तो छ घटनाक्रम –

सुनिल राई ( हत्या अभियुक्त ) र मंगाफ ए ( परिवर्तित नाम ) बिगत ६ बर्षदेखी प्रेम सम्बन्धमा थिए । ‘मंगाफ ए’ ( सुनिलको गर्ल फ्रेण्ड ) कै जोडबल र सहयोगमा पाँच महिनाअघि सुनिल कुवेत आएका थिए । सुनिल डेलिभरी कम्पनी तलाबातमा काम गर्थे भने ‘मंगाफ ए’ अर्को कम्पनीमा । प्रेमी प्रेमीका एउटै देशमा स्वरोजगार भएपछी संम्भवत उनीहरु खुशी नै थिए । समय समयमा भेटघाट र प्रेम साटासाट गर्न पाईने भएपछी उनीहरुको प्रेम सम्बन्ध लयमै चल्दै थियो । समय हो समय सधै एउटै वृतमा चल्दैन । समयक्रममा सुनिल र उनको भेटघाट पातलिन थाल्यो । उनले सुनिलाई पर्याप्त समय नदिने र बाहिर ब्यस्त हुन थालेपछी उनीहरुबिच खटपट सुरु हुनु थाल्यो । रोजिना राई ( मृतक ) को साथ संगतले गर्दा आफ्नो गर्ल फ्रेण्ड आफूदेखी टाढिएको रिसमा थिए उनी ।
प्राप्त जानकारी अनुशार ‘मंगाफ ए’ रोजिनाको कोठामा जाने र संगती ( ईशाइ धर्मालवम्बीहरुको प्रार्थना सहितको अन्य साप्ताहिक / दैनिक सभा ) लगायत अन्य कुरामा व्यस्त हुनथालेपछी खटपट सुरु भएको बुझिएको छ । बिहिबार साँझ पनि सुनिलको प्रेमिका मंगाफस्थित रोजिनको कोठामा थिईन । उनले सुनिललाई फेसबुक म्यासेन्जरमा ब्लक गरेकि थिईन् । आफ्नो गर्लफ्रेण्डले ब्लक गरेर दुरी बढाएपछी सुनिलको मनमा चिसो पस्यो । आफ्नो गर्लफ्रेण्ड मंगाफस्थित रोजिनाको कोठामा गएको निश्चित गरेपछी हत्या गर्ने मनसायले नै फाहिलस्थित आफ्नो कोठाबाट चक्कु र पेचकस लिई अन्य दुई साथीलाई साथ लिएर उनी मंगफमा रोजिनको कोठामा पुगे । कोठामा घण्टी बजाउँदा ढोका नखोलेपछी मादक पदार्थ सेवन गरेका सुनिलले ढोकामा लात्ताले हान्ने लगायतको अराजक गतिबिधि गरेर दायाँबायाँ बस्नेलाई पनि डिस्टव गर्न थाले । अति भएपछी रोजिना( मृतक ) ले ढोका खोलिन् । रोजिना र सुनिलको वादविवाद उग्र भएपछी आफ्नो गर्ल फ्रेण्ड ‘मंगाफ ए’ लाई ‘टार्गेट’ गरेर त्यहाँ पुगेका उनले रोजिनामाथी नै चक्कु र पेचकस प्रहार गरे । सुनिलको प्रहारबाट रोजिनको मृत्यु भएको हो । स्रोतहरुका अनुशार कुवेत प्रहरीको नियन्त्रणमा रहेका सुनिलले प्रहरीसँगको प्रारम्भिक बयानकाक्रमा हत्या गरेको स्विकारी सकेका छन् । नेपाली दूतावास कुवेतले भने हत्याको विस्तृत जानकारी आईनसकेकाले मृतक र अभियुक्तका बारेमा पुष्टी गर्न नसकिने जनाएको छ ।