सेक्सको क्रममा भाँचियो पलङ, त्यसपछि विवाद जब अदालतसम्म पुग्यो

एजेन्सी। दक्षिण पूर्वी इङल्याण्डको वर्कशायर शहरमा एक जोडीले निकै अनौठो अवस्थाको सामना गर्नुपर्यो जब यौन सम्बन्धका क्रममा उनीहरुको पलङ नै भाँचियो । पलङ भाँचिएपछि महिला जमिनमा पछारिइन् जसका कारण उनको शरीर पक्षघात (प्यारालाइसिस) ग्रस्त भयो । उनका पति जोन मार्शलका अनुसार पहिले त उनलाई हाँसो लाग्यो तर पछि महसुस भयो कि घटना कति गम्भीर थियो । जोनकी पत्नी क्लेयरलाई गम्भीर चोट लागेको थियो ।

घटनापछि महिलाले बेड बनाउने कम्पनीविरुद्ध अदालतमा मुद्दा हालिदिइन् । क्लेयरका अनुसार उनले यो बेड केही दिनअघि मात्र किनेकी थिइन् । लण्डन हाइकोर्टमा यो मुद्दामा सुनुवाइका क्रममा बताइयो कि बेड त्यो बेला भाँचिएको थियो जब यो जोडी यौनमा लिप्त थिए र हिला पोजिसन बदल्दै थिइन् ।

बेड भाँचिएपछि क्लेयरको मेरुदण्डको हड्डीमा चोट लागेको थियो । महिलाको आरोप छ कि यो दुर्घटना बेडमा भएको खराबीका कारण भएको हो जुन बेड उनले केही हप्ता पहिले मात्र किनेकी थिइन् । क्लेयरले आरोप लगाइन् कि जब बेड उनको घरमा डेलिभरी दिइएको थियो त्यतिबेला नै खराब थियो । तर, बेड बनाउने कम्पनीले भने डेलिभरीका बेला बेड पूरै सही भएको दावी गरेको छ । यो मुद्दामा फैसला आउन बाँकी नै छ ।