“समान मधेश साउदी परिवार” द्वारा बिमारी हिरालाल महतोलाई आर्थिक सहयोग ।

तेज थापा,

साउदी अरब – साउदी अरबमा कृयाशिल समान मधेस साझ संगठनले एक विपन्न परिवारलाई आर्थिक सहयोग गरेकोे छ । लहान नगरपालिका २४ मलहन्मा, सिराहाका हिरालाल महतोलाई संगठनले नगद २५ हजार रुपैयाँ आर्थिक सहयोग गरेको हो । केन्द्रिय सल्लाहकार शम्भु चौधरी, सह कोषध्यक्ष गणेश साह तथा उपाध्यक्ष दिपेन्द्र शाह लगायतका पदाधिकारि  महतोको घरमा पुगि उक्त रासि हस्तान्तरण गरेका हुन् ।

महतो विगत ३/४ बर्षदेखि दम र खोकिको बिमारीबाट ग्रसित छन् । आर्थिक अबस्थाका कारण रोगको राम्रो उपचार गर्न सकेका छैनन् भने वस्ने उचित बासको समेत जोहो गर्न कठिनाइ परेको छ । महतोको दयनिय अवस्था तथा एक छोरी र २ छोराहरुको पढाई लेखाइमा सहयोग पुर्याउने हेतुले आर्थिक सहयोग गरिएको “सम्मान मधेश” का अध्यक्ष त्रिलोकी साहले बताए । साथै उनले गरिब,विपन्न तथा अनाथ घरपरिवारहरु संगठनले समय-समयमा यस्ता सहयोग गर्दै आइरहेको समेत जनाए ।