शक्तिशाली एसपीको यस्तो करामत, सर्वेन्द्र खनालमाथि चर्को दबाब

काठमाडौँ, ९ पुस । नेपाल प्रहरीमा एसपीबाट एसएसपी बढुवाका लागि प्रहरी नियमावली २०७१ संशोधन गर्न आइजीपी सर्वेन्द्र खनालमाथि चर्को दबाब परेको छ । प्रहरी नियमावलीको दफा २८ को १ (क)मा बढुवाको लागि राजपत्रांकित अधिकृत पदको लागि४ वर्ष पुगेको हुनुपर्ने प्रावधान छ ।

नियमावली अनुसार एसपी भएको ४ वर्षपछि मात्रै एसएसपीमा बढुवा हुन्छ । तर, प्रहरी प्रधान कार्यालयको बजेट शाखाको एसपी दीपक थापाले शक्तिशाली नेतालाई दबाब दिएर त्यो प्रावधानलाई संशोधन गरी एसपी भएको ३ वर्षमा एसएसपी बढुवा हुने ब्यवस्था गर्न आईजीपी खनाललाई दबाब दिएको खुलेको छ ।

बजेट शाखाको एसपी थापाले नेपाल कम्युनिष्ट पार्टीका अध्यक्ष पुष्पकमल दाहालमार्फत प्रहरी नियमावली संशोधन गरी एसपी भएको ३ वर्षमै एसएसपी बढुवा हुने बाटो खोल्न दबाब दिएकोे स्रोतले बताएको छ ।