हरितगृह ग्याँस उत्सर्जन कम गर्न प्रयोग नगर्नुहोस् यी खाद्य पदार्थ

एजेन्सी, पुस । हालै वैज्ञानिकहरुले गरेको एउटा शोधमा हरित गृह उरतसर्जन कम गर्नका लागि मासु र दूधजन्य पदार्थबाट टाढा रहनु सबैभन्दा उत्तम उपाय रहेको पाइएको छ ।

अक्सफोर्ड विश्वविद्यालयको एक शोधको अनुसार वातावरणमा जुन हरितगृह हुन्छ, त्यसको एक चौथाई खाद्य उत्पादनबाट आउने गर्दछ र ग्लोबल वार्मिङमा यसको ठूलो योगदान हुन्छ ।

यद्यपि, शोधकर्ताहरुका अनुसार फरक प्रकारका खाद्य पदार्थले वातावरणमा फरक असर पार्ने पाइएको छ ।शोधको अनुसार खाद्य पदार्थबाट हुने हरितगृह ग्याँस उत्सर्जनमा करिब आधा भाग मासु र अन्य किसिमका मांसहारी खाद्य मात्रको कारणले हुन्छ ।

तर यसप्रकारका खाद्यबाट हामीलाई खानाबाट प्राप्त हुने कुल क्यालोरीको पाँचौं भाग मात्र मिल्छ । शोधमा राखिएका खाद्य पदार्थमध्ये बिफ र भेडाको मासुलाई सबैभन्दा हानिकारक मानिएको छ ।