छाउ गाेठमा निश्वासशीयर तीन अामा छाेराकाे मृत्यु

महेश कार्की-
बाजुरा- एका विहानै छाउगोठमा तीन आमा छोराको मृत्युको खवरले आज बुढीनन्दा नगरपालिका सहित बाजुरा शोकाकुल बनेको छ । बाजुराको बुढीनन्दा नगरपालिका वडा नं ९ साविकको पाण्डुसैन गाविसको भुगेचौरमा छाउगोठमा निश्वासीएर एकै परिवारका तीन जनाको ज्यान गएको हो । महिनावारी भए पछि तीन दिन देखि छाउबार्न नजिकैको गोठमा सरेकी ३५ बर्षिया अम्वा बोहोरा सहित उहाँका दुई छोरा १२ बर्षका सुरेश र ९ बर्षका रमितको सो गोठमा निश्वासीएर मृत्यु भएको हो ।

पुष महिनाको कठ्याङिग्रदो जाडो छल्नका लागि बोहोराले गोठमा आगो बालेको र गोठमा भएको धुवाँ बाहिर जान नसकेपछि निश्वासीएर दुई छोरा सहित आमाको पनि मृत्यु भएको प्रारम्भीक अनुसन्धानबाट खुलेको बाजुरा प्रहरी प्रमुख उद्धवसिह भाटले बताउनु भएको छ । गोठको सानो चुलोमा आगो बालीएको थियो । र उनीहरुको खुट्टा तिरको भाग जलेको छ त्यसो प्रकृति हेर्दा निश्वासीएरै मृत्यु भएको हुन सक्छ सो घटना स्थलमा पुगेका पत्रकार महेश कार्कीले बताउनु भएको छ । छाउपडि प्रथा अन्त्यका लागि जिल्लामा विभिन्न प्रकारका प्रयास गरिएको भए पनि यो घटनाले ति प्रयासहरु सफल नभएको लागेको एक गैरसरकारी संस्था पिसवीन बाजुराको सम्पूर्ण परियोजनाका अधिकृत जयलाल विकले बताउनुभयो । सुदुरपश्चिम प्रदेशका पहाडी जिल्लामा छाउपडि प्रथा विगत लामो समय देखि कु–प्रथाका रुपमा कायमै रहेको छ । छाउपडि जस्तो दण्डनिय कामको अन्त्यका लागि राज्य र गैर सरकारी तवरबाट भए…