दिपक सिंह ठकुरीका हत्यारा पक्राउ परे संगै ठकुरी सहयोग संजालद्वारा प्रहरीको प्रसंशा

बाँके – जिल्ला प्रहरी कार्यालय बाँकेले कोहलपुरमा घाँटी रेटेर हत्या गरेको अभियोगमा २ जनालाई पक्राउ गरेको छ । गत पौष २८ गते शनिवार बिहान कोहलपुरको नयाँ बसपार्क नजिक घाटी रेटेर हत्या गरिएको अबस्थामा फेला परेका सुर्खेत सिम्ता गाउँपालिका २ काफलकोटका २१ बर्षिय दिपक सिंह ठकुरीको हत्यामा संलग्न २ जनालाई बर्दिया र सुर्खेतबाट फक्राउ गरेको हो ।

पक्राउ पर्नेमा अछाम हिज्मा गाउँपालीका वार्ड नं. ६ का भरत बहादुर शाही र बाँकेको राप्ती सोनारी २ का जिरे भनिने युवराज गिरी रहेको जिल्ला प्रहरी कार्यालय बाँकेले जनाएको छ ।

उता प्रहरीले हत्यारालाई पक्राउ गरे संगै ठकुरी सहयोग संजाल प्रदेश ५ र कर्णाली प्रदेशले प्रहरी प्रशासन तथा कोहलपुरका डिएसपी रमेश बहादुर सिंहको प्रसंशा गरेको छ ।

संजालका कर्णाली प्रदेश प्रमुख देब बहादुर शाहीले उक्त कुरा बताउनुभयो । घटना प्रती हाम्रो चासो थियो। संजालले हत्यारालाई पक्रन र कडा भन्दा कडा कार्वाहीको माग गर्दै घटनालाई हामीले नजिकबाट नियालेका थियौं र प्रहरीले उच्च प्रसंशाको काम गरेको छ ‘- ठकुरी सहयोग संजाल प्रदेश ५ का प्रमुख संयोग जंग शाहले बताउनुभयो ।