प्रहरीको इन्काउन्टरमा परी ‘मोस्ट वान्टेड’ सूचीमा रहेका दीपेन्द्र मारिए !

सप्तरीको रुपनी नजिकै एक जनाको प्रहरी इन्काउन्टरमा मृत्यु भएको छ। प्रदेश प्रहरी कार्यालय जनकपुरबाट खटिएको प्रहरी टोलीसँग सप्तरीको रुपनी नजिकै भएको मुडभेडमा दीपेन्द्र चौधरी मारिएका प्रहरीले जनाएको छ ।

प्रहरीलाई नै दीपेन्द्रले एक राउण्ड फायरिङ गरेपछि प्रहरीले पनि जवफी फायरिङ गदाृ चौधरीको घटनास्थलमै मृत्यु भएको हो ।चौधरीको टाँउकोमा गोली लागेको छ।

२ नम्बर प्रदेशका प्रहरी प्रमुख डिआइजी हरि पालका अनुसार ‘गस्तीमा रहेका प्रहरी माथि गोली प्रहार गरेपछि प्रहरीको जवाफी फायरमा उनको मृत्यु भएको हो। चौधरीको घटनास्थलमै मृत्यु भएको बताइएको छ ।

प्रहरी हवल्दार महेन्द्र चतरी यादवमाथि गतसाता गोली प्रहार गरी घाइते बनाउृने ब्यक्ति पनि स्वय चौधरी नै थिए । मोटरसाइकलमा आएको उनको समूहको गोली प्रहारपछि प्रहरी हवल्दार यादव घाइते भएका थिए ।

सप्तरीको खडक नगरपालिका अन्तरर्गत बोदे बर्साइन जाने बाटोमा ड्युटीमा खटिएका उनीमाथि गोली प्रहार भएको थियो ।चौधरीको साथबाट प्रहरीले एकथान पेस्तोल पनि बरामद गरेको जनाएको छ ।