यहाँ मानिसहरु रुन आउँछन्, हाँसेर जान्छन्, यस्तो छ रहस्य

एजेन्सी । भनिन्छ जीवनमा खुशीका लागि रुन पनि आवश्यक छ, किनकी हाँसोका साथै रुनु पनि भावना व्यक्त गर्ने एक तरिका हो । जिन्दगीको भागदौडमा मानिसहरुलाई कैयौं पटक रुने फुर्सदसमेत हुँदैन । जसका कारण डिप्रेशनको समस्या लगातार बढिरहेको छ ।

यस्तै व्यक्ति जब निकै तनावमा हुन्छ, उसलाई आफ्नो बह पोख्ने एक भाँडो साथी चाहिन्छ । त्यस्तो साथी चाहिन्छ जसले उसको भावना बुझोस । तपाईँले यस्ता धेरै स्थानबारे सुन्नुभएको हो देख्नुभएको होला, जहाँ मानिसहरुलाई हँसाउने निकै प्रयाश गरिन्छ । यसका लागि कैयौं क्लव पनि छन् । वा लाफ्ट थेरापीबारे पनि सुन्नु भएको होला ।

तर, यहाँ आज यस्तो स्थानबारे चर्चा गर्दै छौं, जसको बारेमा सुनेर तपाईलाई विश्वास नहुन सक्छ । संसारमा यस्ता पनि स्थान छन्, जहाँ मानिसहरु रुनका लागि मात्र जान्छन् । र हाँस्दै फर्किन्छन् ।

मानिस जब तनावमा हुन्छ, उसलाई रुन मन लाग्छ । भनिन्छ, रुँदा तनाव कम हुन्छ । त के खासमा किन हुन्छ श्र के रुनु पनि लाभदायक हुन्छ? मानिसहरुलाई यस समस्याबाट बचाउन भारतको गुजरात राज्यको सूरतमा क्राइंग क्लव शुरु भएको छ । जहाँ मानिसहरु निकै चिच्याएर रुन्छन् र आफ्नो मनको बह पोखेर सफा हुन्छन् ।

रुँदा स्ट्रेस निकै कम हुने बताइन्छ । यतिमात्र होइन, यस क्लवमा हरेक आइतबार क्राइंग थेरापीको क्लास हुन्छ । यहाँ आएर मानिसहरु आफ्नो तनाव र एक्लोपनलाई हटाउँछन् ।

मीडिया रिपोट्र्सका अुसार मानिसहरुलाई रुवाउन उनीहरुको जीवनको दुःखको क्षण सम्झाइन्छ । साथै उनीहरुलाई त्यो कुरा याद गर्न लगाइन्छ, जसले उनीहरु सबैभन्दा धेरै भावुक बन्छन् ।

यो क्लवलाई भारतको पहिलो क्राइंग क्लव भनिएको छ । यस क्लवको स्थाना लाफ्टर थेरापिस्ट र साइकोलोजिस्ट कमलेश मसालावालाले गरेका हुन् । कमलेशले फरक फरक तरिकाले मानिसहरुलाई रुवाउने प्रयाश गरे ।

साइलेन्ट क्राइंगको पनि एक सत्र राखिएको थियो । यसमा मानिसहरले आँखा बन्द गरेर रुन भनिएको थियो । यसका साथै क्राइंग क्लासमा प्रत्येक मानिसलाई आफ्नो जीवनको दुःखद् घटना शेयर गर्न पनि भनियो ।