सन्दीप लामिछानेको टाेली मेलवर्न स्टार्सले सिड्नी सिक्सर्सलाई दियाे १६९ रनको लक्ष्य

नेपाली युवा खेलाडी सन्दीप लामिछाने सहभागी टिम मेलवर्न स्टार्सले अष्ट्रेलियामा जारी बीग ब्याशमा सिड्नी सिक्सर्सलाई १६९ रनको लक्ष्य दिएको छ । टस हारेर पहिला ब्याटिङ मेलवर्नले निर्धारित ओभरमा ६ विकेट गुमाएर १६८ रन बनाएको हो ।

मेलवर्नका लागि कप्तान ग्लेन म्याक्सवेलले सर्वाधिक ८२ रन बनाएर अन्तिम ओभरकाे अन्तिम बलमा आउट भए । यसैगरी पिटर ह्यान्ड्सकमले ३५ रन बनाउँदा मार्कस स्टोनिसले ३४ रन बनाएका थिए ।

सिड्नीका लागि टम कुरनले २ विकेट लिए । मेलवर्नलाई आजको खेल जित्नै पर्ने बाध्यता रहेको छ । तालिकाको छैटौं स्थानमा रहेको मेलवर्न आज विजयी भए चौथो स्थानमा रहँदै प्ले अफमा पुग्ने छ । सिड्नी सिक्सर्स भने दोस्रो स्थानमा रहेकाले आजको नतिजाले केही फरक पार्ने छैन ।