प्रणय दिवसको अवसर पारेर नेपाली कथानक चलचित्र “प्रसाद ” युएइका सबै शहरमा प्रदर्षन हुँदै

गुरु प्रसाद रेग्मी युएइ,

प्रेम दिवस ( प्रणय दिवस)को अवसर पारेर यूएईमा प्रदर्शन हुन लागेको ‘प्रसाद’को पहिलो दिनका टिकट सबै बिक्री भइसकेको संयोजक आशिष पुरुषले जानकारी दिनुभयो ।

नेपालमा विकास नेटवर्कमार्फत विकास सुवेदी र आशिष पुरुषले मध्यपूर्वमा ‘प्रसाद’ भित्राउनु भएको हो । चलचित्र ‘प्रसाद’ बाँझोपनका कारण दाम्पत्य जीवनमा पारेको समस्या र त्यसले नेपाली समाजमा पारेको सामाजिक असरका विषयमा केन्द्रित भएर आमनेपाली भोगाइको व्यथा बोकेको चलचित्र भएकाले यूएईमा धेरैले ‘प्रसाद’को प्रतिक्षा गरेका छन ।

नेपालमा १ सय १ दिन मनाउने क्रममा रहेको प्रसादले विदेशमा पनि आशलाग्दो व्यापार गरिरहेको छ । चलचित्रले अष्ट्रेलियामा नियमित ३५ शो गरिसकेको छ भने युएईमा पनि धेरै दिन सम्म फिल्मले दर्शकलाई हल सम्म तान्ने देखिन्छ ।

दिनेस राउतले निर्देशन गर्नु भएको “प्रसाद” सुशील पौडेलले लेखेको कथा तथा सुवास थापा निर्मित चलचित्रमा प्रख्यात भर्साटाइल कलाकारहरु विपिन कार्की, नम्रता श्रेष्ठ र निश्चल बस्नेत मूख्य भूमिकामा हुनुहुन्छ । त्यस्तै प्रसादमा बसुन्धारा भुसाल, विनोद भट्टराई, प्रकाश गन्धर्वलगायतका कलाकारले पनि अभिनय गर्नुभएको छ । राजेश श्रेष्ठको छायांकन रहेको चलचित्रमा लोकेश बज्राचार्यको सम्पादन रहेको एसोसियट निर्देशक विकास सुवेदीले हामिलाई जानकारी दिनुभयो ।

नेपाली चलचित्र नियमित रुपमा प्रदर्शन हुँदै आएका छन् । ‘प्रसाद’ चलचित्र यूएईमा बलिउड सिनेमा हलमा समेत प्रदर्शन हुँदै छ । कमर्सियल रुपले नहेरेर नेपाली चलचित्रलाई अन्तर्राष्ट्रिय फिल्म हलहरुमा हेर्न पाउदाको गौरबले हामिलाई एउटा छुट्टै मौलिक खुसि प्रदान गर्ने साथै अन्य अन्तर्राष्ट्रिय ठुला पर्दाका चर्चित कलाकारहरु सगै हाम्रा नेपाली कलाकारको पनि एउटा छुट्टै पहिचान रहने र हामि नेपाली दर्शकहरुको र हाम्रो नेपाली चलचित्र र सस्कृतीको पनि सम्मान रहने संम्योजक आसिस पुरुसले हामिलाई बताउनु भयो ।

हामी नेपालीले नछुटाई फिल्म हल सम्म गएर फिल्म हेर्दा कलाकारको बेजोड प्रस्तुति र कथाबस्तुको भरपुर आनन्द लिन सकिने फिल्म कमेन्ट्री जीबन दासले युएईबाट हामिलाई बताउनु भयो र युएईमा हुनु हुने सम्पुर्ण नेपालिहरुलाई फिल्म हेर्न बिनम्र आग्रह गर्दै आयोजक कमिटी टिम र संम्योजक आसिस पुरुसलाई दासले बिशेष धन्यवाद भन्दै नेपाली दर्शकहरु लाई पनि प्रणय दिवसको सुभकामना प्रकट गर्नु भयो।
आज नेपाली दर्शकहरु युएईमा “प्रसाद” ग्रहण गर्न फिल्म हलहरुमा प्रणय दिवसको दिन घुइँचो लाग्ने बिश्वास गरिन्छ ।