प्रबासी नेपाली एकता मंचको क्षेत्रीय भेला सम्पन्न साथमा २४ औ जनयुद्द दिवस समेत मनाइयो

राजु खनाल,

साउदि अरब – प्रवासी नेपाली एकता मंच साउदी अरबले  रियाधमा  एक भेलाको आयोजना गरी  रियाध क्षेत्रीय भेला र जनयुद्द दिवसको कार्यक्रमलाई  एक साथ सम्पन्न गरेको  छ ।

ज्ञात अज्ञात शहिदहरू प्रति मौन धारण गरी अगाडी बढाईएको कार्यक्रमलाई   २४ औ जनयुद्द दिवसको अवसरमा  २४ वटा मैनबत्ती बालेर दिप प्रज्वलन समेत गरिएको थियो  ।

मंचका संयोजक शिवराज जैसीको अध्यक्षतामा र सचिब राजु खनालको संचालनमा सम्पन्न भएको भेलाले सेतीराम कुवरको संयोजकत्वमा १७ सदस्यीय रियाद क्षेत्रीय समिती गठन गरिएको छ । जसको सचिबमा बिल्टु मुखिया र आर्थिक संयोजकमा जाहेर आलम रहेका छन् । यसैगरी सदस्यहरुमा जनक बस्नेत,सूर्यबहादुर राई,रबिन शुब्बा,करण श्रेष्ठ, बिष्णु घिमिरे,नारायण अधिकारी, मौसम अधिकारी,खुमबहादुर पुन मगर, धन बहादुर बिक, कृष्ण नेपाली, पूर्ण शारु मगर, राज यात्री,राजेन्द ढुंगेल र रिशिधन नेपाली रहेका छन ।
नब निर्बाचित पदाधिकारी तथा सदस्यहरुलाई मंचका केन्द्रीय सदस्यहरु कमल महत, परशुराम मिश्र, कमल शाही, राजेन्द्र खत्री,बाबुलाल बुढा, अमर श्रेष्ठ अनिल बिक,कृष्ण कार्की,अम्बिका सापकोटा तथा भुपाल तामाङ लगायतले शुभकामना मन्तब्य दिएका थिए ।

वक्ताहरुले नेपाली कम्युनिष्ट आन्दोलनको बारेमा प्रष्ट पार्नुका साथै आफ्नो जोश, जांगर र उत्साहलाई निरर्थक खेर नफाली संगठनमा आबद्द भई  राष्ट्र निर्माणका लागि सक्दो योगदान गर्न सबै  आ आफ्नो क्षेत्रबाट   जिम्मेवारी बोध गरि एक ढिक्का हुदै   अघि बढ्न प्रबासी नेपाली एकता मंच साउदी अरबमा आबद्द हुन समेत आग्रह गरेका थिए ।