कुवेतमा फेरि एक नेपाली युवाको निधन :

कुवेत – लम्किचुहा नगरपालिका वडा नम्बर- ५ कैलाली घर भएका गोबिन्द परियारको गत ८ शुक्रवार हृदयघातका कारण निधन भएको हो ।

रोजगारीको शिलशिलामा दुई बर्ष पहिले कुवेत स्थित अलनासर कम्पनिमा आएका परियार आफू सुतेकै ओछ्यानमा मृत भेटिएको दलित एकता संजाल कुवेतका अध्यक्ष रमेश नेपालीले जानकारी दिएका छन् ।
परियारको कुवेतको ओफ्रा स्थित कम्पनीकै क्याममा निधन भएको हो ।

मृतक गोबिन्द परियारका मामा शेर बहादुर परियारका अनुसार गत ८ तारिख शुक्रवार राति सदा झैँ खाना खाएर सुतेका उनि बिहान ड्युटी जान साथीहरुले उठाउदा ओछ्यानमै मृत भेटिएका थिए ।

आवश्यक कानुनी प्रक्रिया पूरा भैसकेकाले मृतकको शव तुरुन्तै नेपाल पठाउने कुवेत स्थित नेपाली राजदूताबासले जनाएको छ । यसैगरी कम्पनीसंग समन्वय गरेर क्षतिपूर्तिका पहल गरिसकेको दूताबासका द्दितिय सचीव ज्ञान बहादुर मगरले जानकारी दिए । – हाम्रो सन्चारबाट