जब यी युवतीले आफ्नो कपडामा अमेरिकी राष्ट्रपतिको वीर्यको दाग संसारलाई देखाइन्

काठमाडौं । सत्ता, शक्ति र यौनको मिश्रण भएपछि संसारमा निकै ठूला घटना भएको इतिहास छ । यसैका कारण निकै ठूला ठूला षड्यन्त्र भएका छन् । यौन र शक्तिको लोभकै कारण निकै ठूला र शक्तिशाली व्यक्तिहरु पतन भएका छन् र नामे नसुनिएका व्यक्तिहरु एकाउक शक्तिमा आएका छन् । संसारमा धेरै सेक्स स्क्याण्डलहरु भएका छन् जसले संसार हल्लिएको छ । ठूला र चर्चित कैयौं हस्तीहरु यस्ता सेक्स स्क्याण्डलमा फसेका छन् । यस्तै संसारभरी हंगामा मच्चाउने सेक्स स्क्याण्डल थियो अमेरिकी पूर्व राष्ट्रपति बिल क्लिन्टनको जसले अमेरिकी सत्ता र शक्तिको खेलमा भूकम्प ल्याइदिएको थियो ।

त्यतिबेला बहालवाला अमेरिकी राष्ट्रपति क्लिन्टनको ह्वाइट हाउसकै इन्टर्न मोनिका लेविन्स्कीसँगको यौन सम्बन्धका कारण अमेरिका मात्र नभइ विश्वभरकै राजनीति हल्लिएको थियो । राष्ट्रपति क्लिन्टन आफूभन्दा आधा कम उमेरकी युवतीसँग प्रेम र यौनमा लिप्त भएर सबै मर्यादा भुलेका थिए ।

बिल क्लिन्टनको २२ वर्षकी युवती मोनिकासँगको यो यौनकाण्ड यतिसम्म चर्चित भएको थियो कि अहिले पनि अमेरिकी पूर्वराष्ट्रपति क्लिन्टनको कुरा आउँदा जो कोहीले उनलाई मोनिकासँग जोडेर सम्झिन्छन् । यो यौनकाण्डका कारण क्लिन्टनको राजनैतिक करिअर पूरै समाप्त भएको थियो । क्लिन्टनविरुद्ध सिनेटमा महाअभियोग प्रस्ताव ल्याइएको थियो र उनले देशसँग माफी माग्नुपरेको थियो ।

यी दुईको यौनकाण्डको खुलासा १९९८ मा भएको थियो जसले अमेरिकी राजनीतिमा तुफान ल्याएको थियो । मोनिका ह्वाइटहाउसमा इन्टर्नको रुपमा काम गर्थिन् । २३ जुलाइ १९७३ मा क्यालिफोर्नियाको सन फ्रान्सिस्को शहरमा जन्मिएकी मोनिका त्यतिबेला २२ वर्षकी थिइन् ।

मोनिकाले खुलासा गरेकी थिइन् कि १९९५ देखि १९९७ सम्म उनी र राष्ट्रपति क्लिन्टनबीच पटक पटक यौन सम्बनध भएका थिए । दुवैको बीचमा भएको शारीरिक सम्बन्ध आपसी सहमतिमा भएको भए पनि अमेरिकी राष्ट्रपतिले उनको फाइदा उठाएको मोनिकाले बताएकी थिइन् । उनले क्लिन्टनसँग भएको सम्बन्धका विषयमा आफूलाई खेद भएको बताएकी थिइन् ।

पहिले क्लिटनले यो कुरा पूरै अस्वीकार गरेका थिए तर पछि भने उनले आफ्नो नाजायज सम्बन्धलाई सार्वजनिक रुपमा स्वीकार गरेका थिए । मोनिकाले पछि एक पुस्तकमा लेखेकी थिइन् ‘मेरा बोसले मेरो फाइदा उठाए । म सधैं यो कुरामा अडिग रहनेछु कि दुईबीचको शारीरिक सम्बन्ध आपसी सहमतिमा थियो ।

’ उनले क्लिन्टनले आफूलाई पैसा दिएर सम्बन्ध आपसी सहमतिमा भएको भन्न लगाएको भन्दै केहीले शंका गरे पनि यो शंका झुट भएको समेत बताएकी थिइन् । उनले आफ्नो टी शर्टमा क्लिन्टनको वीर्यको दाग समेत देखाएकी थिइन् ।

यौनकाण्डको खुलासापछि मोनिकाले ह्वाइटहाउस छाडिन् । यसको केही दिनसम्म उनले ह्याण्डब्याग डिजाइनरको रुपमा काम गरिन् । केही समयपछि उनी एक रियालिटी डेडिङ शोको होस्ट बनिन् त्यसपछि भने उनी पढाइ अगाडि बढाउन लण्डन गइन् ।

उनको अतीतका कारण उनलाई अमेरिकामा काम पाउनु निकै मुस्किल भएको थियो । यौनमाण्डको खुलासापछि विपषी रिपब्लिकन पार्टीले क्लिन्टनविरुद्ध सिनेटमा महाअभियोगको प्रस्ताव ल्याएको थियो । तर, यो प्रस्ताव फेल भयो र क्लिन्टनले आफ्नो कार्यकाल पूरा गर्दै २००२ सम्म अमेरिकाको राष्ट्रपति रहे ।

ह्वाइट हाउसमा आवतजावतका क्रममा नजिकिएका उनीहरुको सम्बन्ध यौन सम्बन्धसम्म पुग्यो । आफ्नो छवि स्वच्छ राख्नको लागि राष्ट्रपति क्लिन्टनले मोनिकालाई ह्वाइटहाउस कर्मचारीमा नियुक्त गर्ने प्रस्ताव गरे ताकि मोनिकाको कलेजको इन्टर्नशिप सकिएपछि पनि उनीहरुको सम्बनध चलिरहोस् । मोनिकालाई जागिर अफर गरियो तर उनले जागिर गर्न अस्वीकार गरिन् ।

मोनिका आफ्नी साथी लिण्डा ट्रिपसँग यो सम्बन्धबारे आफ्ना व्यक्तिगत कुराहरु शेयर गर्थिन् । लिण्डा ह्वाइट हाउसमै कर्मचारी थिइन् । उनले मोनिकालाई क्लिन्टनले दिएका सबै गिफ्ट सम्हालेर राख्न भनिन् किनकि ती राष्ट्रपतिका बहुमूल्य उपहार थिए ।

लिण्डाले मोनिकासँग भएको कुराकानी पनि रेकर्ड गर्न सुरु गरिन् । जनवरी १९९८ मा मोनिका र क्लिन्टनको सम्बन्ध संसारको अगाडि खुल्यो । सुरुमा मोनिका र क्लिन्टन दुवैले यो सम्बन्ध लुकाउन प्रयास गरे । तर, उनीहरुको सबै गल्तीको प्रमाण लिण्डा ट्रिपले जुटाइसकेकी थिइन् । अन्ततः संसारकै सबैभन्दा शक्तिशाली व्यक्तिको करिअर यौनकाण्डका कारण बर्बाद भयो ।