विप्लव समूहलाई प्रतिबन्ध लगाउने निर्णय सहीः देउवा

विराटनगर, २९ फागुन । नेपाली कांग्रेस्र सभापति शेरबहादुर देउवाले विप्लव समूहलाई कानुन बमोजिम कारबाहीको दायरामा ल्याउने सरकारी निर्णयको समर्थन गरेका छन् ।

मंगलबारको मन्त्रिपरिषद् बैठकले विप्लव नेतृत्वको नेकपालाई प्रतिबन्ध लगाउने सरकारी निर्णयको प्रमुख प्रतिपक्ष दलका नेता देउवाले समर्थन गरेका हुन् ।

बुधबार विराटनगरमा सञ्चारकर्मीसँग कुरा गर्दै उनले हिंसात्मक गतिविधी गर्नेलाई प्रतिबन्ध लगाउने निर्णय उपयुक्त भएको बताए । उनले भने,- ‘विप्लवले आतंक फैलाउने काम गरेको छ, हाम्रै साथीहरुमाथि पनि आक्रमण भयो, ‘प्रतिबन्ध मात्रै होइन, कारबाही गर्नपर्छ ।’