आधुनिक मान्छेलाई किन छैन यौनप्रति रुची ?

एजेन्सी । आधुनिकतासँगै मानिसमा सेक्सप्रतिको रुची कम हुँदै गएको निष्कर्ष अध्ययनहरुले देखाउन थालेका छन् । चार दशक यता विकसित प्रविधिले यौन सम्बन्धलाई उन्मुक्ता दिएको छ । त्यसमा गर्भनिरोधक गोली होस् वा ग्रिंडर तथा टिंडर जस्ता डेटिङ एप्स धेरैले प्रयोग गर्छन् ।

आजको युगमा सेक्सलाई सामाजिक मूल्य मान्यताले छेक्न सकेको छैन । सामाजिक मुल्य–मान्यताको देष्टिकोणबाट पनि समलैंगिकता, तलाक, विवाह भन्दा पहिला सेक्स सम्बन्ध र एकभन्दा धेरैसँग यौन सम्बन्ध सामान्य जस्तो हुन थालेको छ ।

यद्यपी एक अध्ययनले भने मानिसमा सेक्सको आकर्षण घट्दै गएको निष्कर्ष निकालेको छ । यसको तथ्य अमेरिकी शोधकर्ता जोन त्वंगे, रायन शेरमान र ब्रुक वे ल्सले सार्वजनिक गरेका हुन् । उनीहरुको एक शोध अध्ययन आर्काइव्स अफ सेक्सुअल विशेवियरमा प्रकाशित भएको छ । जहाँ सेक्समा मानिसको रुश्रची कम हुँदै गएको उल्लेख छ ।

अनुसन्धानका अनुसार १९९० को दशकको तुलनामा २०१० को दशकमा मानिस हरेक बर्ष नौ पटक कम सेक्स गरेका छन् । तथ्याङ्कका अनुसार यसमा १५ प्रतिशत कमी आएको छ । सँगै १९९० को दशकमा हरेक बर्ष मानिस ६२ पटक सेक्स गरिरहेका थिए, जो २०१० को दशमा घटेर बर्षेनी ५३ पटकमा पुगेको छ ।

यो कमी सवै धर्म, सवै जाती, सवै क्षेत्र, शिक्षित तथा अशिक्षित सवै किसिमका मानिसमा देखिएको छ । अनुसन्धानकर्ताहरुका अनुसार यो प्रवृत्ति विश्वकै मानिसमा देखिएको छ ।