सन्दिप लामिछानेको दिल्ली क्यापिटल्स विजयी

काठमाडौँ, १७ चैत । इण्डियन प्रिमियर लिगमा दिल्ली क्यापिटल्सले दोस्रो कठिन जित निकाल्न सफल भएको छ ।गएराति दिल्लीस्थित फिरोज कोट्ला स्टेडियममा भएको खेलमा नेपाली लेग स्पिनर सन्दिप लामिछानेको दिल्लीले कोलकत्ता नाइट राइडर्सलाई सुपर ओभरमा पराजित गरेको हो ।

पहिलो व्याटिङ गरेको कोलकत्ताले १८५ रन बनाउन सफल भएको थियो । दिल्लीले २० ओभरमा ६ विकेट गुमाएर १८५ रन जोडेपछि खेल सुपर ओभरमा गएको थियो ।सुपर ओभरमा दिल्लीले १ विकेट गुमाएर १० रन जोड्दै कोलकत्तालाई ११ रनको लक्ष्य दिएको थियो । दिल्लीका ऋषब पन्तले ६ रन जोडे । जवाफमा कोलकत्ताले १ विकेट गुमाएर ६ रन मात्र जोड्न सक्यो । उसका आन्द्रे रसेलले ४ रन जोडे ।

दिल्लीका पृथ्वी शले ५५ बलमा ९९ रन जोडेर आउट भए । कप्तान श्रेयस आयरले ४३ जोडे भने शिखर धवनले १६ रनको योगदान गरे ।कोलकत्ताका कुलदीप यादबले दुई तथा लोक्की फेर्गुसन, आन्द्रे रसेल र पियुस चावलाले एक एक विकेट लिए ।

कोलकत्ताकालागि रसेलले ६२ रन, कप्तान दिनेशले ५० रन, क्रिस ल्यानले २० रन, पियुस चावलाले अविजित १२, रोबिन उथप्पाले ११ तथा कुलदीप यादबले अविजित १० रन जोडे ।

दिल्लीका हर्सल पटेलले २ तथा सन्दीप लामिछाने, अमित मिश्रा, कागिसो राबडा र क्रिस मोरिसले एकएक विकेट लिए ।कोलकत्ताविरुद्ध सन्दीपले उत्कृष्ट प्रदर्शन गर्दै ४ ओभरमा २९ रन खर्चिएर १ विकेट लिए । यस्तै सन्दीपले एक खेलाडीलाई रन आउट गराए ।

जितसंगै दिल्लीले ३ खेलबाट ४ अंक जोडेको छ । दिल्ली लिगको दोस्रो स्थानमा रहेको छ ।कोलकत्ताले भने पहिलो हार व्यहोरेको छ । अघिल्ला २ खेल जितेको कोलकत्ताको पनि ४ अंक रहेको छ । कोलकत्ता शीर्ष स्थानमा छ ।