साउदि अरबको जेलबाट मुक्त भए भुपाल बस्नेत, अभियानले पायो सफलता ।

6 years अगाडी tej thapa

०९ अप्रिल, २०१९

रम्जान दिन मियाँ,

साउदी अरब – बराह न.पा. -०२ सुनसरी नेपाल स्थाई घर भएका भुपाल बस्नेत आज सकुशल नेपाल फर्कदैछन् । साउदी अरबको बुरैदा अल कासिम जेलबाट गत चैत १८ मुक्त भएका उनि आज गल्फ एयरको उडानहुदै नेपाल फर्किन लागेका हुन् ।

करिब ६ बर्ष पहिले साउदिको अल महमिद कम्पनीमा ट्रक चालकको रुपमा कार्यरत रहदै गर्दा साइडमा पार्किङ गरि रोकिराखेको उनको ट्रकमा पछाडीबाट अर्को कार ठोक्किएको थियोे । दुर्घटनामा परि कार चालक साउदी नागरिकको घटनास्थलमै मृत्यु भएको थियो भने ब्लड मनिको केससँगै उनी जेलमा परेका थिए । बिगत मे २०१६ (३५ महिना) देखी जेल जीवन बिताउन बाध्य बस्नेतलाई ७५,३०० साउदी रियल अर्थात् २२ लाख ११ हजार रुपैयाँ तिर्न पर्ने अदालतको पैसला सुनाएको थियोे ।

उनको उद्धारका लागि गैर आवासीय नेपाली संघ क्षेत्रीय समन्वय समिति अल कासिमले पहल कदामि सुरुवात गरेको थियोे । ब्लड मनि जुटाउन क्षेत्रीय समितिले ८०३१ साउदी रियल, गन्तव्य नेपाल उनैजाको पहलमा ७,००३ साउदी रियल र नेपाली प्रवासी समाज हाइलको पहलमा १०५१ साउदी रियल गरि जम्मा १६०८५ साउदी रियल ( ४,९३,३०४ नेपाली रुपैयाँ ) जम्मा गरिएको थियो । त्यसैगरी बाँकी अपुग रकमको लागि नेपालमा रहेको परोपकारी, सामाजिक संस्था प्रवासी नेपाली समन्वय समिती (PNCC) ले जिम्मेवारी लिएको थियो ।

रकम संकलन अन्तर्गत कुमार राना उद्दार समिती बाट ११ लाख ३० हजार ९ सय ६३ रुपैयाँ, गैर आवासीय नेपाली संघ (आइसिसि) कल्याणकारी कोषबाट २ लाख ३० हजार रुपैयाँ , प्रेम राई उद्दार बाट बचेको रकम बाट २ लाख रुपैयाँ , सुनसरी मोरङ समाज कतारबाट २ लाख २६ हजार रुपैयाँ र बराह समाज सुनसरी बाट ११ हजार १ सय ११ रुपैयाँ संकलन गरिएको PNCC का अध्यक्ष कुल प्रसाद कार्कीले जानकारी दिएका छन् ।

नेपाली दूतावास रियाद साउदी अरबको सहजिकरणमा संकलित रकम गत १ अप्रिल २०१९ का दिन अल कासिम कोर्टमा बुझाएपछि बस्नेत जेलबाट रिहाई भएका थिए । एक्जिट भिसा प्रक्रिया पूरा भएता पनि समयमै हवाई टिकट नपाउदा थप ५ दिन सम्म खान बस्न र एकतर्फी हवाई टिकटका लागि एनआरएनए आर सि सि अल कासिमकाले व्यवस्थापन गरेको थियोे । बस्नेत भोलि बुधबार बिहान ११:५५ बजे काठमाडौ पुग्नेछन् |