सरकारले आफ्नो नाममा ल्याएको जग्गा अदालतले यसरी व्यक्तिका नाममा फर्कायो

काठमाडौ । सुन्दापनि अचम्म लाग्छ । अघिल्लो दिन सरकारले यस्तो गलत कार्यलाई रोक्न यो निर्णय लियो भन्ने खबर आउँछ । फेरी भोलीपल्ट उक्त निर्णय अदालतले उल्ट्याईदियो भन्ने खबर आउँछ ।सरकारले केही कदम चालेमा देखाजाएगा भोली अदालत गएर बिरुद्धमा लागि हाल्छु नी भन्ने मानसिकता बढेको छ । न्याय सम्पादन कार्यले अहिले जनमानसमा न्याय नपाए अदालत जानु हैनकी अन्यायलाई बैध गर्न अदालत जानुपर्छ भन्ने सोचको विकास हुन थालेको छ ।

भक्तपुरमा यस्तै भएको छ । भक्तपुर नगरकोटको एक सय ३१ रोपनी सरकारी जग्गा भक्तपुर जिल्ला अदालतको फैसलाले व्यक्तिको नाममा दर्ता हुने भएको छ । न्यायाधीश श्रीप्रकाश उप्रेतीको इजलासले गत फागुन २१ मा मालपोत कार्यालय भक्तपुरको निर्णय बदर गरी सो जग्गा राणा परिवारको नाममा कायम गरिदिएको छ । मालपोत कार्यालयले सरकारका नाममा दर्ता गराएको एक सय ३१ रोपनी जग्गा भक्तपुर जिल्ला अदालतले उल्टी गरी दिवाकर राणाको परिवारको नाममा कायम हुनेगरी फैसला गरिदिएको हो ।

सो फैसलाको पूर्ण पाठ आएपछि फैसला कार्यान्वयनको प्रक्रियामा जाने बताइएको छ । यता सरकारले सरकारी नाममा रहेका जग्गा व्यक्तिको नाममा पुगेका रहेछन् भने सरकारको नाममा फिर्ता ल्याउने महाअभियान चालिरहेका बेला यस्तो समाचार दु:खद हुनेछ ।