नेपाल तामाङ घेदुङ पूर्वी क्षेत्रीय समिति साउदी अरबको दोस्रो भेला हुने ।

शुक्र मोक्तान,

नेपाल तामाङ घेदुङ पूर्वी क्षेत्रीय समिति साउदी अरबले दोस्रो भेलाको तयारी गर्दै छ । भेला यहि आउदो  जुन ६ तारीख बिहिवार दमामको सिको गार्डन् अगाडि रहेको होलिडेज होटेलमा भेला गरिने भएको हो ।

मुस्लिम समुदायको चाड इदको छुट्टीको अवसर पारेर आयोजना गर्न लागिएको उक्त भेलाका संयोजक जेनकुमार लामाले जानकारी दिए । उनले साउदीको जेद्धामा यसअघि घेदुङको शाखा गठन भैसकेको बताए । साउदी अरब भौगोलिक रूपमा ठुलो रहेकाले र तामाङ समुदाय छरिएर रहेकोले आफुहरुले क्षेत्रीय समिति गठन गरि अघि बढ्न लागेको छौ, उनले भने ।

आफ्नो भाषा,लिपी,धर्म,संस्कार,शिक्षा लगायतको संरक्षण र सम्बर्द्धन गर्ने उदेश्यले गर्न लागिएको भेलामा साउदी अरबको पुर्वी प्रान्त दमाम,जुवेल,खोबार लगायत राजधानी रियादबाट समेत सहभागीट हुने संयोजक लामाले बताए । भेलालाई ऐतिहासिक रुपमा सफल बनाउन आग्रह गर्दै लामाले तामाङ दाजुभाइ तथा दिदिबहिनीहरुलाई सहभागीताका लागि अनुरोध गरेका छन्  ।

भेलाबाट विभिन्न बिभागहरुको संयोजक तोकिने छ ।