काँचो, अमिलो आँप खान मिठो मात्रै हैन यस्ता सम्मका फाईदा पनि छन्

गर्मी महिनामा आँप खान सबैलाई मन पर्छ । आँपलाई फलको राजा पनि भन्ने गरिन्छ । पाकेको आँप खानुका फाईदा त हामी सबैलाई थाहा हुन सक्छ तर काँचो अमिलो आँप खानुका फाइदा कमैलाई थाहा हुन सक्छ ।

पाकेको आँपसँगै हल्का अमिलो काचोँ आँप खान पनि निकै मिठो हुन्छ । काँचो आँप नुनसँग खान अझ बढी मिठो हुन्छ । काँचो आप खान मिठो मात्रै हैन शरिरमा पनि निकै फाईदा गर्छ । काँचो आँपमा विटामिन- ए,सी र ई बाहेक क्याल्शियम, फस्फोरस र फाइबर हुन्छ जसले शरीरमा पोषक तत्वको कमी हुन दिँदैन ।

काँचो आँप खानुका फाइदा :

१. काँचो आँप खादाँ पेट सम्बन्धि समस्या निको हुन्छ ।

२. काँचो आँपले शरीरको रोग प्रतिरोधक क्षमता ठीक बनाई राख्न मद्वत गर्दछ ।

३. काँचो आँपमा विटामिन-सी हुन्छ जसले रक्त कोशिकालाई लचीलो बनाउछ र शरिरमा रक्तसञ्चार राम्रोसँग हुन्छ ।

४. गर्मी महिनामा भोक नलाग्ने, अपच हुने समस्या हुन्छ यस्तो समयमा काँचो आपको अचार बनाएर खाना खाएमा फाईदा गर्छ ।

५. काँचो आँपमा फाइबर भरपूर मात्रामा हुन्छ जसले शरिरमा शरीर जमेर बसेको चिल्लोलाई घटाई तौल कम गर्न मद्वत गर्छ ।