एनआरएनए कासिम साउदिद्वारा मृगौला पीडित लाई आर्थिक सहयोग ।

गैर आवासीय नेपाली संघ क्षेत्रीय समन्वय समिति अलकासिम साउदी अरबले मृगौला पिडितलाई नगद रुपैयाँ  सहयोग गरेको छ ।  दिरुङ न.पा. ६, नेर्पा, खोटाङ जिल्ला घर भइ हाल पुरानो बानेश्वर बसोबास गर्ने बर्ष ४४ का भक्त गुरुङलाई समितिले सहयोग गरेको हो । दुई बर्षदेखि दुइवटै मृगौला फेल भएको भइ उपचारार्थ गुरुङको आर्थिक अवस्था निकै कमजोर छ । उनको दयनीय अवस्थालाई लाई टेवा पुग्ने हेतुले क्षेत्रिय  समिती अल कासिम र अल वतानिय कम्पनीको संयुक्त पहलमा ४५,७६० रुपैयाँ (१५६१ रियल) आर्थिक सहयोग गरिएको हो ।

बिगत् १९ बर्षदेखि अल वतानिय कम्पनी अल कासिम  साउदी अरब मा कार्यरत गुरुङ अस्वस्थ भइ  गत १७ फेब्रुअरीमा नेपाल फर्केका थिए  । हिमाल अस्पताल ज्ञानेश्वेर उपचारका क्रममा उनको मृगौला खराबी देखिएको थियो । गुरुङको हप्ता-हप्ताम डाइलोसिस गराउनु पर्ने र मृगौला प्रत्यारोपण नै अन्तिम विकल्प रहेको छ ।  मृगौला प्रत्यारोपण लागि झन्नै १८ लाख लाग्ने गुरुङको पारिवारिक श्रोतले जानकारी दिएको छ ।

पारिवारिक सहयोगको अपिललाई  मध्यनजर गरि गैर आवासीय नेपाली संघ क्षेत्रीय समन्वय समिति अल कासिमद्वारा १०९० साउदी रियल र ध्रुब कटुबाल,वीर बहादुर तामाङको संयोजकत्वमा अल वतानिय कम्पनीबाट संकलित ४७७ रियल गरि एकमुष्ट नगद रकम बिमारलाई हस्तान्तरण गरिएको एनआरएनए अलकासिमका क्षेत्रीय अध्यक्ष रम्जान दिन मियाँ जानकारी दिएका छन् ।

स्मरण रहोस एनआरएनए आर सि सि अल कासिमले यस्ता पीडितहरुलाइ सहयोग गर्दै आइरहेको छ । ४ महिना अगाडि धादिङकि सीता मृगौला पीडित श्रेष्ठलाई पनि उपचारका लागी समितिले ५३,७६० रुपैयाँ (१८४३ रियल)  आर्थिक सहयोग गरेको थियोे ।

श्रोत: रम्जान दिन मियाँ,अल कासिम