तितो भएपनि स्वास्थ्यकालागि फाइदाजनक करेला

हेर्दा हरियो र सेतो देखिने स्वादमा भने तितो हुने करेला खनिज पदार्थ युक्त तथा औषधीय गुणले भरपूर सब्जी हो । क‍रेलामा फस्फोरस , क्याल्सियम , प्रोटिन, कार्बोहाड्रेट , भिटामिन ए, भिटामिन बी तथा फाइबर प्रशस्त मात्रामा पाइन्छ ।कलेराको फल, पात, बियाँ तथा जरा सबैलाई औषधीको रुपमा प्रयोग गर्न सकिन्छ । कम रक्तअल्पता हुने वा कमजोरी व्यक्तिले तीते करेलाको नियमित सेवन गर्दा रिङ्गटा लाग्ने अथवा कमजोरी महसुस हुन सक्छ ।

दैनिक करेला खाने गरेमा यसले पाचन प्रक्रियालाई सक्रिय बनाएर अरूची हटाउने, कब्जियत तथा पेट सम्बन्धि हुने विभिन्न रोगहरुलाई निको पार्न मद्दत गर्दछ । करेलाले पाचनशक्ति बलियो बनाएर भोक जगाउँछ ।करेलाले सितलता प्रदान गर्ने भएकोले गर्मी याममा करेला खाने गर्नु लाभदायक हुन्छ । शरीरमा जम्मा भएको कफलाई हटाउनुका साथै दमको समस्या भएकाहरूलाई यो एकदम फाइदा गर्छ ।

शरीरमा चिनीको मात्रालाई नियन्त्रण गरेर मधुमेह तथा कलेजोसम्बन्धी समस्या भएकाहरूका लागि पनि करेलाको तरकारी ज्यादै उपयोगी हुने गर्छ । करेला खाने गर्नाले हाम्रो रगत सफा हुनुका साथै रगतमा हेमोग्लोबिनको मात्रा बढाउछ ।उच्च रक्तचाप भएका बिरामीले बिहान तितेकरेलाको जुस वा तरकारी खाएमा उच्च रक्तचापमा कम हुँदै जान्छ । दाद खजुली निस्किएको ठाउँमा करेलाको रस लगाई दिएमा धेरै राम्रो हुन्छ ।

यसको सेवनले झाडा वा वान्ता भइरहेमा, जन्डिस भएका, जुका परेमा, हैजा लागेमा, पाइल्समा तथा श्वासप्रश्वाससम्बन्धी रोग जस्तै चिसो लाग्ने, ब्रोन्काइटिस, घाँटीको रोग आदिबाट मुक्ति पाउन सकिन्छ ।