कार्यालयमा हुनेबाला ढाड दुखाइबाट बच्नका लागि अपनाउनुहोस् यस्तो उपाय

हामीले कार्यालयमा घण्टौँ काम गर्दा हामीलई प्रायः ढाड दुख्ने तथा कम्मर दुख्ने समस्याले दुःख दिन थाल्छ । यस्तो अवस्थामा शरीरको मांसपेशीहरु, हाडहरु, तंत्रिका, जोर्नीहरु या रिढको संरचनामा पीडा महसुस हुन थाल्छ ।यस्तो स्थितिमा हाम्रो घाँटी, ढाडको माथिल्लो र तल्लो भागमा पीडा सुरु हुन थाल्छ । यस्तो समस्याले दुःख दिन सुरु गरेपछि हामीले हाम्रो काममा ध्यान दिनु गाह्रो हुन थाल्छ । हामीहरुले विभिन्न प्रकारको काम गरिरहेका हुन्छौं । प्रकोहि कन्स्ट्रक्शन कम्पनिमा, कारखानामा भारी बोक्ने, होटेलमा खाना पकाउने वा दिनभरि कार्यालयमा कम्प्युटरको सामु कुर्सिमा बसिरहने गर्दा हाम्रो शरीरमा यस्तो प्रकारको समस्या देखा पर्ने गर्छ ।

धेरै काम गरेको कारण जिउमा अल्छि, थकान र नियमित आरामको कमिले गर्दा हामीलाई यस्तो समस्या निम्तिन सक्छ । कार्यालयमा एउतै कुर्सीमा ८ देखि ९ घण्टा सम्म लगातार काम गर्दा र हाम्रो भागदौडको जीवन, गलत तरिकाले एकै ठाउँमा बस्ने, खानपानमा लापरवाही तथा व्यायाम नगर्ने बानीका कारण हिजोआज यो समस्या जसलाई पनि भएको हुन्छ । ढाड दुख्ने समस्या सामान्य जस्तै हुदै आएको छ ।

एकै ठाउँमा बसेर लामो समयसम्म कम्प्युटरको प्रयोग, कम्प्युटरमा बस्दा सही तरिकाले नबस्ने, निहुरिने, भारी सामान उठाउने, राख्ने, तथा लामो समयसम्म उभिरहने गर्नाले पनि हाम्रो ढाड दुख्ने समस्या हुने गर्छ । हामीले कामको समयमा हम्म्रो ढाडलाई सजिलो तरिकाले मिलाएर बसेरमा हामीमा यो समस्या छिट्टै निको हुदै जान्छ । हामीले ढाड दुखाइलाई काम गर्नका लागि नियमित रुपले दैनिक केही एक्सरसाइजहरु गर्नु आवश्यक हुन्छ । हामीले नियमित रुपमा पैदल हिँडने, दगुरने, जाँगिङ गर्ने, सामान्य ब्यायाम, योग आदि गरेमा हाम्रो ढाड दुख्ने समस्यामा धेरै सहयोग मिल्न जान्छ ।

यदि हामीलाई लामो समयसम्म एकै ठाउँमा बसेर काम गर्नु पर्छ भने हामीले काममा सानो ब्रेक लिदै अलिकति हिँडने गर्नु पर्छ । यदि हामीले हाम्रो काममा लामो समयसम्म उभि रहनु पर्ने छ भने आफनो ढाड तथा खुट्टालाई केही समयको लागि स्टुल वा भित्तामा अधेस लगाएर केहि समय बस्नु पर्छ । साथै नचाहिदा पनि झुक्ने, ढाडलाई मोडने र अचानक उठ्ने गर्नु हुदैन । यसले हड्डीलाई मात्र नभएर नसालाई समेत हानी पुर्युना सक्छ ।

हामीले कहिँ केहि सामान उठाउदा धेरै नै सावधानी अपनाउनु पर्ने हुन्छ । हामीले हाम्रो माँसपेशीहरुलाई जोर दिने गर्नु हुदैन । त्यसैले काम गर्दा बीचबीचमा सानो ब्रेक लिएर हिँडडुल गर्नुका साथै शरीरलाई रिल्याक्स राख्नका लागि केहि समय कर्सीबाट उठेर हाथ चलाउने र आँखालाई पनि आराम दिने गर्नु पर्छ । काम गर्ने समयमा अफिसमा रहेका आफ्नो सहकर्मी सँग बीच बीचमा कुरा गर्ने गर्दा वा संगीत सुन्दा मुड फ्रेस हुने गर्छ ।