आयो विश्वकै अचम्मको कण्डम : अब कण्डमले नै गराउनेछ एकसाथ यौनसम्पर्कका लागि सहमत

सामान्यतया अहिलेसम्म महिला र पुरुषका लागि फरकफरक कण्डम निर्माण गरिएको हामीले थाहा पाएका छौं । के तपाईलाई थाहा छ विश्वमा अहिले एक अनौठो कण्डमको निर्माण पनि भएको छ ।

अर्जेन्टिनाको यौन खेलौना ‘सेक्स टोय’ बेच्ने कम्पनी तुलिपनले एउटा यस्तो कण्डम निर्माण गरेको छ जसलाई खोल्नका लागि दुई व्यक्तिको सहमतीको आवश्यक पर्ने कम्पनीको दावा रहेको छ । अथार्त्, प्याकेट खोल्नका लागि एकै समयमा चारवटा ठाउँमा दबाउनुपर्छ । ‘कन्सेन्ट कण्डम’ नाम दिइएको यो कण्डमको प्याकेटको चार कुनामा पोइन्ट बनाइएका छ ।

यदि दुई व्यक्तिले आफ्नो दुबै हातले यसलाई सँगै दबाउँछन् भनेमात्र यसको प्याकेट खोलिनेछ । कण्डमको प्याकेटमा लेखिएको छ, ‘यदि यसमा सहमती छैन भने यो असहमती हो ’ यसलाई औपचारिक रुपमा यसै वर्ष सार्वजनिक गरिने कम्पनीले जानकारी दिएको छ ।

यद्यपि, यसका केही निश्चित प्याकेट बार र ब्यूनोस आयर्समा आयोजित कार्यक्रममा सहभागी जोडीलाई नमूनाको रुपमा निःशुल्क बाँडिदैछ । हामीले यौन सम्बन्धको चर्चा गर्दै सुख त्यतिबेला मात्रै सम्भव हुन्छ जब यसमा दुबैको बराबर सहमती हुन्छ । यसले यौन सुख बढाउने उनीहरुको दावी छ । एजेन्सी