राष्ट्रकवि घिमिरे सफल उपचारपछि फर्किए स्वदेश

राष्ट्रकवि माधवप्रसाद घिमिरे दिल्लीको मेदान्त अस्पतालमा उपचारपछि स्वदेश फर्किएका छन्।

करिब दुई हप्ताको उपचारपछि उनी स्वदेश फर्किएका हुन्।

उनान्सय वर्षीय घिमिरेको मुटु, मिर्गौला र फोक्सोमा समस्या देखिएकाले विगत केही महिनादेखि अस्पताल लाने-ल्याउने गरिँदै आइएको थियो।

आन्तरिक रक्तस्राव बढेपछि उनलाई ग्राण्डी अस्पताल भर्ना गरिएको थियो। आन्तरिक रक्तस्राव नरोकिएपछि चिकित्सकले दिल्ली लानको लागि सुझाव दिएका थिए।

प्रधानमन्त्री केपी शर्मा ओलीले घिमिरेको सम्पूर्ण उपचार खर्च सरकारले व्यहोर्ने बताउँदै आवश्यक परे विदेशै लगेर उपचार गराउने प्रतिबद्वता व्यक्त गरेका थिए।