नवनायिका अदिति बुढाथोकी

एउटा म्यागजिनको आवरण तस्बिर खिचाएर ग्ल्यामरको क्षेत्रमा प्रवेश गरेकी अदिति बुढाथोकीका लागि त्यसपछिका दिनहरू फलदायी बन्दै गए । त्यसपछि उनले टीभीसी एड तथा पेपर एडहरूमा अवसर पाइरहिन् भने र्‍याम्प वर्क तथा फोटो सुट आदि पनि गरिरहिन् । उनका विज्ञापन एवं तस्बिरहरू हेरेर दैनिकजसो म्युजिक भिडियो तथा चलचित्रबाट प्रस्ताव आए पनि अदितिलाई अभिनयप्रति खासै रुचि थिएन ।

गत वर्ष भारतमा केइरा ब्रान्डको मोडलिङ गरेर नेपाल आएपछि उनको रुचि बलिउडप्रति भने बढेको थियो । स्टार प्लसको एउटा सिरियलका लागि पनि प्रस्ताव आइरहेको बताउने बुढाथोकीले तमिल चलचित्रको अडिसन दिएर स्क्रिनिङ पनि भ्याइसकेकी छिन् ।