ठकुरी सहयोग संजाल युएईले वर दुबईमा तीजका अबसरमा शुभकामना आदानप्रदान कार्यक्रम सम्पन्न गर्‍यो

कमल सिम्ताली
दुबई ,२८ जुलाई – हिन्दु नारीहरुको महान पर्व हरितालिका तीजका अबसरमा शुभकामना आदानप्रदान तथा दरखाने कार्यक्रम शुक्रबार वर दुबईमा सम्पन्न भएको छ ।

ठकुरी सहयोग संजाल युएईको अायोजनामा वर दुबईमा रहेको सिल्भर स्पेन रेस्टुरेन्टमा एक विशेष कार्यक्रमको आयोजना गरिएको थियो । नेपाली हिन्दु चेलीबेटीहरुलाई नजिकिँदै गरेको तीजको शुभकामना दिदै, अाफ्नो संस्कृतिक, कला र भाषाको जगेर्ना गर्नका लागि सन्देश प्रवाह गर्न कार्यक्रमको आयोजना गरिएको संजालले जनाएको छ ।

हेर्नुहोस तिज कार्यक्रममा यसरी रमाए युएई बासीहरु : 

https://youtu.be/sWQY69x9brI

कार्यक्रममा संजालका विदेश प्रमुख रामु शाही ठकुरी, संजालका वरिष्ठ उपाध्यक्ष तथा कार्यबाहक अध्यक्ष दिपक शाही ठकुरी, वरिष्ठ सल्लाहकारहरुमा लोकेन्द्र बम ठकुरी, विश्वदेब शाह ठकुरी, तारा मल्ल ठकुरी लगाएतको उपस्थिति थियो ।

कार्यक्रममा उनीहरुले सम्पूर्ण ठकुरी परिवारका सदस्यहरु र अन्य हिन्दु धर्मवालम्बी नारीहरुलाई एकाअपसमा सम्मान सहित शुभकामना अादानप्रदान गरेका थिए ।कार्यक्रम ठकुरी संजाल युएईका अध्यक्ष भीम मल्लको सभापतित्वमा सम्पन्न भएको हो ।