पढ्नुस् चलाख बेहुलाको रोचक कहानी,७ युवतीलाई फसाएर बिहे गरी लुटिसकेका थिए यी व्यक्ति

एजेन्सी। भारतको मुम्बइ प्रहरीले एक चलाख लुटेरा बेहुलालाई पक्राउ गरेको छ । विक्रोली पुलिसबाट प्राप्त जानकारी अनुसार ३७ वर्षीय शौर्य कैयौं मेट्रिमेनियल साइटमा आलग अलग ७ नामका प्रोफाइल बनाएर युवतीलाई फसाउँथे । यतिमात्र होइन त्यसपछि उनी नक्कली बिहे गरेर पत्नीको घरमा भएका सबै बहुमूल्य सामान र नगद लिएर फरार हुन्थे ।

पछिल्लो समय ३२ वर्षीय एक महिलाले विक्रोली थानामा यसबारे उजुरी दर्ता गराएकी थिइन् । महिलाको उजुरीका आधारमा प्रहरीले शौर्यलाई पक्राउ गरेको हो । पुलिसको सोधपुछमा पहिले त शौर्य डराए र केही भनेनन् तर पछि उनले आफ्नो अपराध स्वीकार गरे । प्रहरीका अनुसार शौर्यले ती महिलासँग बिहे गरेको र उनको पसलबाट २ लाख रुपैयाँ चोरेर फरार भएको स्वीकार गरे ।

शौर्यका अनुसार उनको पहिलो बिहे २०१० मै भएको थियो । उनका एक ५ वर्षका छोरा पनि छन् । उनले पत्नीलाई नबताइ मेट्रिमोनियल साइटमा युवतीलाई फसाउने काम गर्थे । महिला फसेपछि उनीहरुसँग बिहे गरेर उनीहरुको घरमा बस्ने नाटक गर्थे । राती महिलाको घरको सबै बहुमूल्य सामान लिएर फरार हुन्थे । प्रहरीले उनलाई लामो समयदेखि खोजिरहेको थियो ।