कैलाली पुगेर प्रधानमन्त्री ओलीविरुद्ध गर्जिए कांग्रेस सभापति देउवा

विपक्षी दल नेपाली कांग्रेसका सभापती तथा संसदीय दलका नेता शेरबहादुर देउवाले सरकार भारतसामु झुकेको आरोप लगाएका छन् ।
कैलालाी जिल्ला अधिवेशनको उद्धघाटन गर्दै उनले यस्तो आरोप लगाएका हुन् । प्रधानमन्त्री केपी शर्मा ओलीले भारतसँग ‘जि हजुर’ गरेको देउवाको भनाइ छ ।

ओलीको पालामा गौरी फन्टा नाका खोल्न सहमतीलाई पाखा लगाइएको देउवाले आरोप लगाए । आफु प्रधानमन्त्री हुँदा गौरी फन्टा नाका खोल्ने सहमती भएपनि अहिले आफ्नो एजेण्डालाई निरन्तरता नदिएको उनले बताएका छन् । ‘अहिले गौरी फन्टा नाका बन्द गर्ने षड्यन्त्र भएको छ’ उनले आरोप लगाए मुलुकमा कम्युनिष्टको शासन शैली देखिइसकेको भन्दै देउवाले जबर्जस्ती आफ्नो विचार लाद्ने षड्यन्त्र भइरहेको उनको दाबी छ ।
कांग्रेस सभापती देउवाले प्रधानमन्त्री ओली राष्ट्रवादी नभएर लम्पसारवादी भएको आरोप समेत लगाएका छन् ।