ठकुरी सहयोग संजाल युएईद्वारा क्यान्सर पिडित एन्जिला शाहलाई १ लाख ८० हजार आर्थिक सहयोग

युएई – बर्दियाकि क्यान्सर पिडित एन्जिला शाहलाई ठकुरी सहयोग संजाल युएईले आर्थिक सहयोग गरेको छ। संजालका बरिस्ठ उपाध्यक्ष दिपक शाही ठकुरीको अग्रसरतामा संकलित रक़म १,८०,०००(एक लाख असि हजार) सहयोग गरिएको हो ।

ठकुरी सहयोग संजालका केन्द्रिय अध्यक्ष रेशम जुङ्ग शाहमार्फत शुक्रबार एन्जिलाका बुवा ओम विक्रम शाहलाई उक्त सहयोग रक़म हस्तान्तरण गरीने समाजका महासचिव जीवन सिंहले जानकारी दिए।

स्थाई घर बर्दिया भएकी पाठेघरको क्यान्सरबाट पिडित १५ बर्षिया बालिका एन्जिला शाह हाल काठमाण्डौको नया बानेश्वरस्थित शिभिल हस्पिटलमा उपचार गराईरहेकी छिन । एन्जिला शाह सहयोग अभियानमा सहयोग गर्नुहुने सबैलाइ विशेष धन्यबाद दिदै संजालका अध्यक्ष भिम बहादुर मल्ल ठकुरी र ठकुरी सहयोग संजालका केन्द्रीय सल्लाहकार एवम् संजाल युएईका संरक्षक नरेश सेन ठकुरीले प्रवासबाटै भएपनि सहयोग अभियानलाइ निरन्तरता दिदै जाने बताएका छन ।

केही दिन पहिले दर्शन ठकुरी समाज कुवेतले पनि पीडित एन्जिला शाहलाई १ लाख भन्दा बढी आर्थिक सहयोग गरीसकेको छ।