गोरखाबाट काठमाडौं उडेको हेलिकप्टर सम्पर्कवाहिर

काठमाडौं, २३ भदौ । गोरखाबाट काठमाडौं आउँदै गरेको अल्टिच्युड एअरको हेलिकप्टर सम्पर्कवाहिर रहेको छ । गोरखाको सामागाउँबाट उडेको हेलिकप्टर काठमाडौंमा बिहान ८ बजेर १८ मिनेटमा ल्याण्ड हुनुपर्ने थियो ।

६ जना यात्रु र एक जना क्याप्टेन रहेको हेलिकप्टर धादिङको रुबीभ्यालीको रि भन्ने क्षेत्रमा फोर्सल्याण्डिङ गर्नेक्रममा दुर्घटना परेको अनुमान विमानस्थल कार्यालयले गरेको छ । हेलिकप्टरमा यात्रारत यात्रुको अवस्थाबारे विस्तृत जानकारी आइनसकेको विमानस्थलका महाप्रबन्धक राजकुमार क्षेत्रीले जानकारी दिए ।