फेसबुकमा सुसाइड नोट लेखेर आत्महत्या

म्याग्दी, असोज । म्याग्दीकी एक युवतीले कालीगण्डकीमा हाम फालेर आत्महत्या गरेकी छिन् । ती युवतीले आत्महत्या गर्नुपूर्व सामाजिक सञ्जाल फेसबुकमा सुसाइड नोट लेखेकी थिइन् ।

बेनी नगरपालिका–५ की सोनिया क्षेत्रीले फेसबुकको आफ्नो स्टाटसमा सासाइड नोट लेखेकी थिइन् । कक्षा ११ मा पढ्ने सोनीले आफ्नो फेसबुक प्राेफाइलमा ‘म मरेको खबर सुन्न धेरै आतुर भएको होला तिमीहरु, आज म तिमीहरु सबैको सपना पूरा गरिदिन्छु, बधाइ जोे म खुसी भएको हेर्न नसक्नेहरु, तिमीहरु सबै आज खुसीले रमाउनु, पार्टी दिनु, तिमीहरु सबैले जितेऊ मैले हारे, गुडबाई’ लेखेकी थिइन् ।

साेनी दुर्इ जना साथीहरूसँग घटनास्थलसम्म पुगेकी थिइन् । तर साेनीले एक्कासी नदीमा हामफाल्लिन भन्ने कसलार्इ थाहा ? प्रहरीले ती दुर्इ जना साथीहरूलार्इ नियन्त्रणमा लिइ साेधपुछ गरीरहेकाे छ । सोनीले आइतबार विद्यूत प्राधिकरणको कार्यालय नजिकैबाट कालीगण्कीमा हाम फालेर आत्महत्या गरेकी हुन् । उनको अवस्था अझै अज्ञात रहेको म्याग्दीका प्रहरी प्रमुख वीरबहादुर बुढाले जानकारी दिएका छन् ।