लिङ्ग परिवर्तन गरी समलिङ्गी विवाह गरेपछि आपतैआपत

एजेन्सी, २० असोज । भारतले केही समय अघि मात्र समलिङ्गी विवाहलाई कानुनी मान्यता दिएको छ । यस अघि त्यहाँ समलिङ्गी विवाहलाई गैरकानुनी मानिन्थ्यो । समलिङ्गी विवाहमाथिको देशको कडा नीतिबाट बच्नका लागि भारतका दुई महिलाले एउटा फरक बाटो अप्नाउनुपर्‍यो । यसक्रममा एक महिलाले आफ्नो लिङ्ग नै परिवर्तन गरेर पुरुष बनिन् । त्यसपछि दुवै महिलाले विवाह गरे । त्यस विवाह भएको अहिले पाँच वर्ष भैसकेको छ । यहाँसम्म आउँदा दुवैको वैवाहिक जीवन सुखमय रह्यो तर अहिले आएर महिला आफ्नो महिला श्रीमानसँग अलग्गिन चाहन्छिन् ।

अहिले यो मामिला जिल्ला महिला एवम् बाल संरक्षण कार्यालय पुगेको छ । अलग्गिनुको पछाडिको कारण असन्तुष्टि भएको बताइएको छ । यी दुई महिलाले विवाहपछि एउटा बच्चालाई कोख पनि लिएका थिए । तर अहिले दुईबीचको द्वन्दले बच्चाको भविष्यलाई खतरामा पुर्‍याएको छ । श्रीमती बनेकी युवती सोनीपातकी बासिन्दा हुन् । उनको अनुसार जींदस्थित पटियाला चोक क्षेत्रकी एक युवतीसँग केही वर्ष अघि उनको मित्रता भएको थियो । दुबैबीच गहिरो मित्रता भयो र त्यो अन्ततः प्रेममा बदलिएको थियो ।

युवतीहरु अलग्गिन नसकेपछि दुवैले विवाह गर्ने फैसला लिएका थिए । तर विवाह गरेको पाँच वर्षसम्म श्रीमान् बनेकी युवतीले केही कमाउन नसकेपछि घर खर्च चलाउने बाटो नभएर श्रीमती युवती अलग्गिन चाहेको बताइन् । श्रीमती युवती अलग्गिने सोचमा छिन् तर हालसम्म श्रीमान् बनेकी युवती भने त्यसका लागि मन्जुर छैनन् ।