दिपसिखा मा. बी. दाङमा दशैं मिलन कार्यक्रम सम्पन्न ।

तेज थापा,

घोराही दाङ- दिपसिखा आवासीय मा. बी. घोराही दाङले आज दशैं मिलन तथा विविध संस्कृतिक कार्यक्रम सम्पन्न गरेको छ । प्रदेश ५ अन्तर्गत घोराही उपमहानगरपालीका १५ मा अवस्थित बिध्यालयका बिध्यार्थीहरूले बिभिन्न बिधाहरूमा आ-आफ्नो कला प्रस्तुत गरेका हुन् ।

श्रृजित लामिछाने र कृति के. सी. द्वारा संयुक्तरूपमा संचालित कार्यक्रमको अध्यक्षता हरि प्रशाद गौतमले गरेका थिए भने बिध्यालयका शेर सदस्य प्रतिराज बस्नेत तथा प्रिन्सिपल शोभकान्त अधिकारीले शुभकामना मन्तव्य राखेका थिए ।

कक्षा ९ मा अध्यनरत विध्यार्थी भाइ बहिनीहरु आयोजक रहेको कार्यक्रममा विभिन्न तहका विध्यार्थीहरुले फरक-फरक विधामा आ-आफ्नो कला एवम् प्रतिभा सहित प्रतिस्पर्धा गरेका थिए । जस अन्तर्गत नृत्यतर्फ प्राइमरी तह ५-B कि स्मृति ओली प्रथम, “स्वर्णिम समुह” ३-B द्वितिय तथा १-B की सिन्धिया बोहोरा तृतिय भएका थिए भने नृत्य तर्फ नै निम्न माध्यामिक तहका “बर्षा समूह” प्रथम, “दिया समूह” द्वितिय तथा “रूवी समूह” ले तृतिय स्थान हासिल गर्न सफल भएका थिए । त्यसैगरि गायन तर्फ प्राइमरी तह ५-C का सुरज पुलामी प्रथम, २-B की आकृति बुढा द्वितिय तथा ३-B का स्वर्णिम थापा तृतिय स्थानमा जित हासिल गर्न सफल भएका थिए त्यस्तै निम्न माध्यामिक तह अन्तर्गत अनिता समूह प्रथम, अञ्जुली बि. सी. द्वितिय तथा मिमिस पन्त तृतिय भएका थिए ।

बिध्यालयले बर्सेनि यस्ता अतिरिक्त कार्यक्रम आयोजना गर्दै आइरहेको बिध्यालयका प्रिन्सिपल शोभकान्त अधिकारीले बताए । अधिकारीका अनुसार विध्यालयका बिध्यार्थीहरुको कला र प्रतिभाहरु पहिचान गरि भविष्यमा अब्बल दर्जाको कलाकारहरु उत्पादन गर्न विध्यालय व्यवस्थापन पक्ष लागि परिरहेको जनाए ।